اترپردیش کے ضلع علی گڑھ میں گزشتہ روز کُل 3417 کووڈ ٹیسٹ کیے گئے جن میں 215 مثبت رپورٹ سامنے آئیں جو دوسرے مرحلہ میں اب تک سب سے زیادہ ہے۔
علی گڑھ میں بھی دیگر ریاستوں اور مرکزی زیر انتظام خطوں کی طرح دن بدن کورونا وائرس سے متاثرین کی تعداد میں تیزی سے اضافہ ہو رہا ہے۔ جہاں گذشتہ روز 215 مثبت رپورٹ آئی ہیں۔ وہیں، 44 لوگوں کو صحت یاب ہونے کے بعد ہسپتالوں سے ڈسچارج کیا گیا۔ موجودہ وقت میں ضلع علی گڑھ میں تقریبا 863 ایکٹیو کیس موجود ہے۔
ضلع علی گڑھ ڈی ایم چندر بھوشن سنگھ نے بھی دو گز کی دوری، ماسک اور سینیٹائزر کا اچھے سے استعمال کرنے کی اپیل کی ہے۔
علی گڑھ انتظامیہ کی گائیڈ لائن کے مطابق ہی پھل، سبزی اور دودھ کی دکانیں صبح 6 سے 11 اور شام 5 سے 8 بجے تک کھولی جا رہی ہیں۔
