اطلاعات کے مطابق علی گڑھ انتظامیہ نے لاک ڈاؤن کے دوران ضروری سامان کی خریداری کے لیے صبح 6 بجے سے 10 بجے تک بازار کھولنے کی اجازت دی ہے۔ جس کے مطابق اشیاء ضروریہ کی دکانوں کے علاوہ کچھ دیگر دکانیں جیسے سبزی اور پھل کی دکانیں بھی کھولی جاتی ہے۔ تاہم آج بھوج پورا کے علاقے میں وقت مقررہ ختم ہونے کے بعد پولیس نے جب سبزیوں اور پھلوں کی ٹھیلوں اور دکانوں کو بند کرنے کے لیے کہا تو پولیس اہلکاروں کے ساتھ جھڑپ تک کی نوبت آگئی۔ بازار میں موجود لوگوں نے پولیس اہلکاروں پر پتھراؤ کیا۔
پتھراؤ کو دیکھ کر معاملہ اتنا زور پکڑا کہ پولیس اور میونسپل کارپوریشن کے ملازمین نے بھی دوسری جانب سے پتھراؤ کیا۔ اطلاع ملنے کے بعد پولیس فورس اور اور میونسپل کے ملازمین کی ایک بڑی تعداد بھی موقع پر جمع ہوگئی۔
دونوں طرف عوام اور پولیس کی جانب سے پتھراؤ کا سلسلہ کافی دیر تک جاری رہا اور ماحول کو دیکھتے ہوئے پولیس نے لوگوں کا تعاقب کیا۔ لوگ سڑک پر لگائے گئے سبزی اور پھل چھوڑ کر بھاگ گئے۔ اطلاع کے مطابق واقعے میں ایک پولیس اہلکار بھی زخمی ہے جس کے سر میں چوٹ ہے'۔
