اتر پردیش کے ضلع علی گڑھ کے سٹی مجسٹریٹ وینیت کمار سنگھ نے اے ایم یو کوآرڈیشن کمیٹی کو آکسیجن خریدنے کی اجازت نہیں دی جس سے کمیٹی کے ممبران میں ناراضگی ہے۔
کمیٹی کے ممبر اور اے ایم یو طلبہ رہنما محمد عامر کے مطابق اب تک تقریباً ایک ہزار سے زیادہ ضرورت مندوں کو مفت آکسیجن فراہم کر چکے ہیں۔ لیکن اب ضلع علی گڑھ میں آکسیجن کی خرید کے لئے علیگڑھ سٹی مجسٹریٹ کی اجازت لینا ضروری ہے جس کی وجہ سے اے ایم یو کوآرڈیشن کمیٹی کے ممبران آج علی گڑھ سٹی مجسٹریٹ کے دفتر آکسیجن کی خریدی کی اجازت لینے ایک درخواست لے کر گئے لیکن سٹی مجسٹریٹ نے درخواست لینے اور آکسیجن کی خرید کی اجازت دینے سے صاف منع کردیا جس سے کوآرڈیشن کمیٹی کے ممبران میں ناراضگی ہے۔
انہوں نے کہا کہ اے ایم یو کوآرڈیشن کمیٹی کو پورے علی گڑھ میں سب جانتے ہیں کہ ہم لوگوں نے مفت آکسیجن فراہم کرارہے ہیں۔ ہم نے کہا کہ اگر آپ ہمیں آکسیجن خریدنے کی اجازت نہیں دے رہے تو آپ ہمیں لکھ کر دے دیجئے ہماری درخواست پر تو انہوں نے درخواست پر کچھ لکھنے سے منع کردیا اور کہنے لگے آپ اپنی درخواست اگر لے جانا چاہتے ہیں تو لے جائیں ورنہ یہاں چھوڑ جائیں لیکن میں آپ کو اجازت نہیں دوں گا۔
