Books and Magazines Launched in AMU: وائس چانسلر کے بدست مختلف کتب و رسائل کا اجرا

وائس چانسلرعلی گڑھ مسلم یونیورسٹی، پروفیسر طارق منصور نے آج پانچ کتابوں و رسائل کا اجرا کیا، جن میں علی گڑھ جنرل آف لنگوسٹکس، نیوز لیٹر آف ویمنس کالج، شعبہء بزنس ایڈمنسٹریشن کے طلبا کی میگزین 'حرف 21-2020'، سہ ماہی فکر و نظر کا قاضی عبدالستار خصوصی نمبراور ڈاکٹر آفتاب عالم نجمی (شعبہ اردو) کی کتاب 'الطاف حسین حالی، علمی و ادبی خدمات شامل ہیں۔ Books and Magazines Launched in AMU

علی گڑھ جنرل آف لنگوسٹکس (اے جے ایل) کی گیارہویں جلد ہندوستان کے لسانی تنوع، ذولسانیت اور علمی حصولیابیوں پر مبنی تحقیقی مضامین پر مشتمل ہے۔ رسم اجرا کے موقع پر پروفیسر ایم جے وارثی (صدر شعبہ لسانیات) نے کہا کہ اے جے ایل میں اعلی پایہ کی لسانی تحقیق شائع ہوتی ہے جو ملک کے لسانی تنوع کی عکاسی کرتا ہے۔ Books and Magazines Launched in AMU

رسالہ کے ایڈیٹر مسعود علی بیگ اور ڈاکٹر ناظرین بی لسکر نے کہا کہ مضامین کی اشاعت میں فیکلٹی ممبران نے رسرچ اسکالروں کے ساتھ اشتراک کیا۔

وائس چانسلر کے بدست مختلف کتب ورسائل کا اجراء

اے ایم یو کی تاریخی ادبی و تحقیقی سہ ماہی رسالہ 'فکرونظر' کے خصوصی شمارے قاضی عبدالستار نمبر کا اجراء وائس چانسلر پروفیسر طارق منصور نے ڈین فیکلٹی آف آرٹس پروفیسر سید محمد ہاشم، صدر شعبہ اردو پروفیسر محمد علی جوہر، پروفیسر سفیان بیگ، پروفیسر شہاب الدین ثاقب، پروفیسر قمر الہدی فریدی، پروفیسر ضیاء الرحمن صدیقی، پروفیسر سراج الدین اجملی، ڈاکٹر سید محمد نعمان طارق اور پروفیسر نعیمہ خاتون کے ہمراہ کی۔اپنے وقیع مضامین کے لحاظ سے یہ ایک اہم نمبر ہے جو معروف محقق ڈین فیکلٹی آف آرٹس، اردو اکیڈمی کے ڈائریکٹر اور سابق صدر شعبہ، سید ہاشم کی ادارت میں شائع ہوا ہے۔ اس سے قبل سرسید نمبر بھی ان کی ادارت میں شائع ہو چکا ہے۔وائس چانسلر پروفیسر طارق منصور نے خاص نمبر کی اشاعت پر پروفیسر سید ہاشم کو مبارکباد دیتے ہوئے کہا کہ علی گڑھ مسلم یونیورسٹی نے ادب اور دنیا کو انگنت آفتاب وماہتاب دیئے ہیں، ایسی ہی شخصیات میں قاضی عبدالستار کا شمار ہوتا ہے جن پر فکرونظر کے خاص نمبر کی اشاعت سے نہ صرف ان کی خدمات سامنے آئیں گی بلکہ ادبی دنیا اور آنے والی نسلوں کو اس سے فائدہ ہوگا۔ویمنس کالج اے ایم یو کے پہلے سالانہ نیوز لیٹر میں کالج سے متعلق خبروں، مضامین اور مختلف سرگرمیوں میں فیکلٹی ممبران کی حصولیابیوں کا احاطہ کیا گیا ہے۔ پرنسپل پروفیسر نعیمہ خاتون نے کہا کہ اس نیوزلیٹر سے کالج کی علمی سرگرمیوں کی حوصلہ افزائی اور مزید بہتری کے راستے پیدا ہونگے۔

اجراء کے موقع پر ادارتی ٹیم کے اراکین ڈاکٹر نغمہ فاروقی، ڈاکٹرفوزیہ عثمانی اور ڈاکٹر صدف فرید بھی موجود تھے۔

شعبہ بزنس ایڈمنسٹریشن کے طلبہ کی میگزین 'حرف 21-2020' میں فیکلٹی ممبران اور طلباء کے مضامین شامل ہیں۔ پروفیسر سلمی احمد (ڈین، فیکلٹی آف مینجمنٹ اسٹڈیز اینڈ ریسرچ اور میگزین کی ٹیچر انچارج) نے بتایا کہ ادارتی ٹیم میں شیراز خان، کارتک اور فضا تبسم اعظمی شامل ہیں۔ اجراء کے موقع پر پروفیسر جمال احمد فاروقی (چیئرمین شعبہ بزنس ایڈمنسٹریشن)، پروفیسر جمال احمد فاروقی (چیئرمین شعبہ بزنس ایڈمنسٹریشن) اور ڈاکٹر طارق عزیز (ٹیچر انچارج) موجود تھے۔

وائس چانسلر پروفیسر طارق منصور نے شعبہ اردو کے استاد ڈاکٹر آفتاب عالم نجمی کی کتاب 'الطاف حسین حالی، علمی و ادبی خدمات' کا بھی اجرا کیا۔ انہوں نے مصنف ڈاکٹر آفتاب عالم نجمی کو مبارکباد پیش کرتے ہوئے کہا کہ شعبہ اردو یونیورسٹی کے ان شعبوں میں سے ہیں جن سے اس یونیورسٹی کی شناخت ہوتی ہے انہوں نے کہا کہ سو سالہ تقریبات کے موقع پر یہ کتاب سر سید احمد خاں کے رفیق اور علی گڑھ تحریک کے روحِ رواں الطاف حسین حالی کو سچی خراج عقیدت ہے۔