راجستھان میں رواں برس کسانوں اور عوام کو اچھی بارش کی امید تھی تاہم جاریہ موسم میں بارش کی کمی کو دیکھتے ہوئے عوام پریشان ہیں۔
ریاست میں بارش کے لیے حضرت خواجہ معین الدین چشتیؒ کی بارگاہ میں باراں رحمت کے لیے دعا کی گئی۔ درگاہ کی شاہجہانی مسجد میں ملک کی سلامتی و ترقی کے علاوہ کسانوں کے حق میں بھی دعائیں کی گئیں۔
درگاہ کے خادم سید وسیم باپو نے بتایا کہ جاریہ موسم میں کسانوں کو اچھی برسات کی امید تھی لیکن امید کے مطابق بارش نہیں ہوئی جس سے کسان اور عوام پریشان ہیں۔ دعا کے موقع پر عقیدت مندوں نے بہت جلد کسانوں کی ہڑتال کے ختم ہونے کی امید ظاہر کی اور ملک میں خوشحالی کے لیے دعا کی۔
یہ بھی پڑھیں: اقلیتی ریزرویشن فرنٹ صوبائی صدر کی اجمیر درگاہ پر حاضری
واضح رہے کہ راجستھان میں اگر اچھی بارش نہ ہو تو اس سے کسانوں کو بھاری نقصان ہوگا۔
