ملک بھر میں بیان کربلا کے ذکر سے غم حسین کو اپنا غم اور ان کی شہادت پر نوحہ خوانی کی جارہی ہے وہیں ریاست راجستھان کے ضلع اجمیر شریف کے مسلم علاقوں میں بھی حضرت امام حسین کی شہادت کی یاد میں متعدد مرثیہ خوانی کے جلسے منعقد کئے جارہے ہیں۔
پیغمبر اسلام حضرت محمد کے نواسے حضرت امام حسین کی شہادت کو عقیدت مند حضرات ایک محرم سے ہی مرثیہ خوانی کے ذریعہ یاد کرتے ہے۔
حسنی حسینی خاندان سے تعلق رکھنے والے عالمی مشہور حضرت خواجہ معین الدین حسن چشتی کے شہر اجمیر میں بھی یادیں حسین سے عقیدتمند غمزدہ ہیں۔
اجمیر کے مسلم علاقوں میں امام بارگاہوں کو خوبصورت روشنی سے سجایا گیا ہے اور گھروں میں امام حسین کے نام کے پرچم لہرائے گئے ہیں۔
امام بارگا ہوں میں قدیمی رسم مرثیہ خوانی ادا کی جارہی ہے اجمیر شریف درگاہ, جامعہ التمش مسجد کے علاوہ مختلف امام بارگاہوں میں ملاد پارٹیاں ذکر حسین کربلا مرثیہ خوانی کے ذریعہ پیش کر رہے ہیں۔
عاشق حسین اس ذکر سے غمزدہ ہوتے ہیں اور اجمیر کے مشہور و معروف شاعروں نے حضرت امام حسین کی شہادت کو اپنی عمدہ سے عمدہ کلاموں کے ذریعہ پیش بھی کیا ہے۔
واضح رہے کہ اجمیر میں مرثیہ خوانی کا رسم و رواج صدیوں پرانا ہے، ایک محرم سے لیکر دس محرم تک یہ مرثیہ خوانی کا سلسلہ جاری رہے گا, اس کے علاوہ 7 محرم کو مہندی کی رسم ہوگی اور 9محرم اور دس محرم کو تعزیہ کی سواری اور کربلا کا منظر پیش کیا جائے گا۔
