سوشل میڈیا کے ذریعے نبی پاک حضرت محمد مصطفی صلی اللہ علیہ وسلم کی شان میں گستاخی بھرا ویڈیو گستاخ نرسنگھا نند سرسوتی کے ذریعہ شیئر کیا گیا۔ اس کی وجہ سے ملک بھر کے عاشق رسول میں غصہ دیکھا جا رہا ہے۔
نرسنگھا نند سرسوتی کے خلاف سخت کاروائی کا مطالبہ
اجمیر شریف درگاہ کے خادموں اور مقامی مسلمانوں نے درگاہ پولیس اسٹیشن پہنچ کر نرسنگھا نند سرسوتی کے خلاف ایف آئی آر درج کرائی ہے۔ خادم حاجی سید عمران چشتی کے مطابق پیغمبر اسلام تمام عالم کے لئے رحمت اللعالمین ہیں اور تمام مذاہب کے لوگ ان کا ادب و احترام کرتے ہیں۔ عوام میں امن قائم رکھنے کے لیے مذہبی دشمنوں کے خلاف حکومت ہند کو بھی سختی کرنی چاہیے۔
درگاہ تھانہ پولیس افسر دلبیر سنگھ نے مقدمہ درج کر عاشق رسول کو یہ یقین دلایا ہے کہ گستاخ رسول کے خلاف جلد کارروائی انجام دی جائے گی۔
