اجمیر کے نواب کا بیڑہ علاقے میں کئی سال بعد پہلی مرتبہ عباسی برادری کے انتخابات ہوئے جہاں صدر سیکرٹری اور نائب صدر کو بلامقابلہ منتخب کر لیا گیا۔
اجمیر: عباسی سماج کے صدر و نائب صدر منتخب
راجستھان عباسی سماج کے صدر حاجی شکیل کے مطابق عباسی برادری برسوں سے اجمیر شریف درگاہ میں وضو کا پانی بھرنے کا کام کرتا رہا ہے اور ان کی روزی روٹی بھی درگاہ سے چلتی ہے، ایسے میں اب ضرورت تھی کہ ان کی بھی تنظیم کا صدر اور سیکرٹری ہو جو عباسی برادری کے حق حقوق کے لیے ہمیشہ کھڑا رہے۔
اس سے قبل کبھی اجمیر میں عباسی برادری کے الیکشن نہیں ہوئے، صدر عہدے پر فروز عباسی اور سیکرٹری عہدے پر دین محمد کو مقرر کیا گیا ہے۔ اسی طرح نائب صدر عبدالجبار اور خزانچی عہدے پر عمر دین عباسی کو مقرر کیا گیا۔
واضح رہے کہ عباسی سماج کے زیراہتمام اجتماعی شادیاں سمیت مختلف سماجی کاموں کو انجام دیا جاتا ہے۔
