دنیا کے بلند ترین 182 میٹر بلند مجسمہ اسٹیچو آف یونٹی کے بعد سردار بلبھ بھائی پٹیل کے دوسرے بلند ترین مجسمے کی گجرات کے وزیر اعلی وجے روپانی یہاں پاٹيدار برادری کے ادارے سرداردھام کے یہاں ویشنودیو ی سرکل کے سامنے واقع حاطہ میں کل نقاب کشائی کریں گے۔
خواہ ہی یہ مجسمہ صرف 50 فٹ بلند ہے اور اسٹیچو آف یونٹی کے بمقابلہ بہت چھوٹاہے لیکن یہ سردار پٹیل کا دنیا بھر میں دوسرا بلند ترین مجسمہ ہے۔
دلچسپ بات یہ بھی ہے کہ اس کی ڈیزائننگ بھی اسٹیچو آف یونٹی کی ڈیزائننگ کرنے والے معروف مجسمہ ساز پدم بھوشن رام ستار نے ہی تیار کی ہے۔ سرداردھام کے صدر گگجی ستريا اور اس کے ترجمان سبھاش ڈوبريا نے آج یو این آئی کو یہ معلومات دیتے ہوئے بتایا کہ کانسی کا بنا یہ مجسمہ ادارے کے احاطے میں تقریبا سوا تین کروڑ روپے کی لاگت سے نصب کیا گیا ہے۔
واضح رہے کہ مشرق گجرات کے ضلع نرمدا کے كیوڑيا میں واقع اسٹیچو آف یونٹی کی نقاب کشائی اکتوبر 2018 میں وزیر اعظم نریندر مودی نے کی تھی ۔ اس پر تین ہزار کروڑ روپے سے زائد لاگت آئی ہے ۔ وہ چین کے سپرنگ ٹیمپل بدھا کو پیچھے چھوڑتے ہوئے دنیا کابلند ترین مجسمہ بن گیا ہے ۔
