سپریم کورٹ میں ایودھیا کیس معاملے کی سماعت مکمل ہونے کے بعد عدالت نے فیصلہ محفوظ کرلیا ہے۔
امید کی جاتی ہے کہ سپریم کورٹ کا فیصلہ 23 دن میں آجائے گا۔ سماعت مقررہ وقت سے ایک گھنٹہ قبل ختم ہوگئی۔
اس معاملے پر ایس ڈی پی آئی گجرات کے صدر عبدالحمید انصاری نے کہا کہ شوشیل ڈیموکریٹک پارٹی آف انڈیا کی جانب سے شروع سے یہی موقف رہا ہے کہ بابری مسجد وہیں تھی اور وہیں پربابری مسجد تعمیر ہونا چاہیے۔
آج سماعت ختم ہو چکی ہے ایسے میں ہر انسان کو بابری مسجد فیصلے کا انتظار ہےاور فیصلے کے بعد ایس ڈی پی آئی پارٹی ایجنڈے کے مطابق قدم اٹھائے گی۔
انہوں نے مزید کہا کہ بابری مسجد کا فیصلہ مسلموں کے حق میں آنا چاہیے ہمیں سپرم کورٹ پر پورا بھروسہ ہے اورہمیں انصاف ضرور ملے گا۔
واضح رہے کہ ایس ڈی پی آئی "پھر بنے گی بابری مسجد پھر بنے گا ہندوستان" کے سلوگن کو لے کر بابری مسجد معاملے پر گذشتہ کئی سالوں سے مہم چلا رہی ہے اور بابری مسجد کو دوبارہ تعمیر کرنے کی مانگ کررہی ہے۔
