جمعیت علماء ہند کی سبھی یونٹوں نے اپنے اپنے علاقوں اور ریاستوں میں ضرورتمندوں کو راشن کٹس اور بے یارو مدد گار لوگوں کے درمیان پکا ہوا کھانا تقسیم کیا۔
اس دوران گجرات میں جمعیت علماء ہند نے اپنی خدمات انجام دیتے ہوے پونے نو کروڑ کی راشن کٹس تقسیم کی ہے۔
اس تعلق سے تفصیلی معلومات دیتے ہوے جمعیت علماء ہند گجرات کے سکریٹری محمد اسلم قریشی نے بتایا کہ جیسے ہی کورونا کے قہر نے دستک دی اور ملک میں لاک ڈاؤن نافذ کر دیا گیا ویسے ہی جمعیت علماء ہند کے جنرل سکریٹری مولانا محمود مدنی نے جمعیت علماء ہند کے تمام ذمہ داران سے بات چیت کر منصوبہ بنایا اور لاک ڈاؤن سے پریشان حال غریب عوام و بے یارو مددگاروں کی مدد کی۔
انہوں نے بتایا کہ گجرات میں بھی جمعیت علماء ہند گجرات کے صدر کی قیادت میں گجرات کے ہر اضلاع کے ہر علاقوں میں سروے کر راشن کٹس تقسیم کی گئی۔ تقریبا پونے نو کروڑ روپے کی راشن کٹس صرف گجرات میں غریبوں کو تقسیم کی گئی ہے جس سے بڑی تعداد میں لوگوں کو فائدہ پہنچا ہے اور لوگوں کی دعائیں ملی ہیں۔
انہوں نے مزید کہا کہ اب جب لاک ڈاؤن سے راحت مل گئی ہے تو ہم نے راشن کٹس تقسیم کرنا بند کردیا ہے لیکن اگر کسی ضرورت مند کو شدید ضرورت ہوگی تو ہم ان کی ضرور مدد کریں گے، کیونکہ ہمیشہ سے ہی ضرورتمندوں کے ساتھ جمعیت علمائے ہند کھڑی ہے۔
