گجرات میں مانسون 21 جون سے شروع ہونے کا امکان

گجرات میں ایک طرف جہاں کورونا کا قہر مسلسل بڑھتا جا رہا ہے تو وہیں دوسری جانب گجرات کے درجہ حرارت میں بھی تیزی سے اضافہ ہو رہا ہے۔ درجہ حرارت میں مزید اضافہ کی وجہ سے مسلسل گرمی بڑھتی جا رہی ہے۔ محکمہ موسمیات نے 21 جون سے گجرات میں بارش شروع ہونے کی پیشن گوئی کی ہے۔

محکمہ موسمیات کے ڈائریکٹر جینت سرکار نے بتایا کہ ملک کے ریاست کیرالہ میں تقریبا پانچ جون سے مانسون شروع ہونے والا ہے، جس کی وجہ سے 15 سے 20 دن کے بعد جنوبی گجرات میں بارش شروع ہونے کا امکان ہے اور نرمدا میں غیر موسمی بارش شروع ہونے کا امکان ہے۔

محکمہ موسمیات کے ڈائریکٹر جینت سرکار

واضح رہے کہ مانسون بھارت کے جنوب مغربی کنارے سے شروع ہوگا اور جون اور ستمبر کے درمیان تک بھارت کے ستر فیصدی حصے پر محیط ہوگا۔ محکمہ موسمیات نے رواں برس اوسطاً 96% بارش ہونے کی پیشنگوئی کی ہے۔

بادل