اسی طرح سنہ 2017 کے اگست کے مہینے میں بھی کانگریس نے رکن اسمبلی کی تربیت کے لیے ایم ایل ایز کی ایک ٹیم کو بنگلور روانہ کیا تھا۔
کہاجاتا ہے کہ اگر کانگریس یہ قدم نہیں اٹھاتی تو شاید احمد پٹیل راجیہ سبھا الیکشن میں ناکام ہوجاتے۔
قیاس لگایا جارہا ہے کہ راجستھان میں کانگریس بر سر اقتدار ہے شاید اسی وجہ سے کانگریس اپنے 62 اراکین اسمبلی کو ماؤٹ آبو لے جا رہی ہے۔
کانگریس کے مطابق تمام اراکین اسمبلی کو مکمل تربیت دی جائے گی تاکہ کوئی غلطی نہ ہو۔
معروف سیاسی رہنما الپیش ٹھاکر نے اراکین اسمبلی کو ٹرینگ کے لئے بھیجے جانے پر تبصرہ کرتے ہوئے کہا کہ یہ ٹریننگ احمد آباد میں بھی دی جاسکتی تھی لیکن اراکین اسمبلی کو بچانے کے لیے انھیں لے جایا جا رہا ہے۔
الپیش نے مزید کہا کہ لوگ ماؤنٹ آبو کیوں جاتے ہیں اس بات سے تمام لوگ واقف ہیں کیونکہ وہاں شراب اور دیگر نشیلی اشیاء پر کوئی پابندی نہیں ہے۔
