احمدآباد میں موجود فرسٹ ہیلپ خدمت گروپ گزشتہ دیڑھ سالوں سے غریبوں کے لیے خدمت خلق کا کام کر رہی ہے۔ خاص طور سے کورونا وائرس کے سبب نافذ کردہ لاک ڈاؤن میں اس تنظیم نے لوگوں کو کافی امداد پہنچائی۔ ایسے میں اب کورونا وائرس اور مختلف بیماریوں کے پیش نظر مریضوں کو خون کی کافی ضرورت محسوس ہو رہی ہے۔ ان مریضوں تک خون پہنچانے کے لیے فرسٹ ہیلپ خدمت گروپ نے احمدآباد کے دانی لمڑا علاقے میں ایک بلڈ ڈونیشن کیمپ کا اہتمام کیا۔
اس تعلق سے فرسٹ ہیلپ خدمت گروپ کے رکن عرفان نے کہا کہ 'فرسٹ ہیلپ خدمت گروپ عوام کی خدمت کرنے کے لیے بنایا گیا ہے۔ اس کے ذریعے ہم غریبوں کو راشن کڈ تقسیم کرتے ہیں۔ ہوسپیٹل میں مریضوں کو کھانا پہنچاتے ہیں اور اب ہم خون کی ضرورت کو دیکھتے ہوئے خون کا عطیہ کرنے کا انتظام کیا ہے۔ احمدآباد کے سول ہوسپیٹل میں 100 خون کے یونٹ کی ضرورت تھی جیسے ہی ہمیں اطلاع ملی، ہم نے بلڈ ڈونیشن کیمپ کا اہتمام کردیا یے اور کافی لوگوں کے آج اپنے خون کا عطیہ کیا۔
یہ بھی پڑھیں: 'جمہوریت کی بحالی کو جموں و کشمیر میں یقینی بنایا جائے'
وہیں خون کا عطیہ کرنے والے عرفان کا کہنا ہے کہ ہمارے خون سے کسی انسان کی جان بچتی ہے تو یہ ہمارے لیے کافی خوش نصیبی کی بات ہے۔ آج میں کافی اچھا محسوس کر رہا کیونکہ خون دینے سے ثواب بھی ملتا ہے اور انسانیت کو بھی فائدہ پہنچتا ہے، لہذا اب میں ہمیشہ اپنا خون کا عطیہ کرونگا۔
