گذشتہ روز محکمہ صحت گجرات کے جاری کردہ تازہ ترین اعدادوشمار کے مطابق ریاست بھر میں میں کورونا سے متاثرہ مریضوں کی تعداد 2 ہزار 800 کو عبور کرچکی ہے۔جن میں سب زیادہ سے تعداد احمد آباد کے لوگوں کی ہے۔
محمکہ صحت گجرات کی پرنسپل سیکرٹری جینتی روی نے پریس کانفرنس میں کورونا وائرس کی تفصیل بتاتے ہوئے کہا کہ تازہ ترین اعدادوشمار کے مطابق گجرات میں کورونا کے 191 نئے کیسز درج ہوئے ہیں۔
جس سے ریاست بھر میں کورونا وائرس متاثرین کی کل تعداد 2 ہزار 815 ہوگئی ہے۔ مزید 15 افراد کی ہلاکت کی خبر ہے۔
تازہ ترین اعدادوشمار کے مطابق احمد آباد سے 169 نئے کیسز درج ہوئے ہیں جس کے بعد احمدآباد میں کورونا مریضوں کی کل تعداد 1 ہزار 821 ہوگئی ہے۔
اس کے علاوہ سورت میں 6، وڈوڈارا میں 5، آنند اور پنچمحل میں 3-3، بھاؤ نگر میں 2 جبکہ گاندھی نگر، بوٹاڈ اور والساد میں ایک ایک کیسز ہوئے ہیں۔
