احمد آباد کی مشہور و معروف ایف ڈی اسکول میں متعدد پروگرام کا اہتمام کیا جاتا رہا ہے اسی ضمن میں ایک ووکیشنل گائیڈنس وکشاپ کا انعقاد کیا گیا جس کا مقصد ایف ڈی اسکول کے طلباء اعلی تعلیم حاصل کرسکیں اور مختلف شعبوں میں اپنی جگہ بنا سکیں۔
اس ورکشاپ میں اسکول کے بچوں نے مختلف شعبوں سے متعلق لباس زیب تن کر کے اس خاص شعبے کے تعلق سے معلومات فراہم کرتے تھے۔
ایف ڈی اسکول کے ٹیچر محمد عقیل بخاری نے بتایا کے اعلی تعلیم حاصل کرنے کے لیے کئی مرتبہ طلباء کو کافی پریشانیوں کا سامنا کرنا پڑتا ہے اور انہیں معلوم بھی نہیں ہوتا ہے کہ وہ دسویں اور بارہویں کے بعد کس میدان میں قدم رکھیں۔ ایسے میں ان تمام الجھنوں کو دور کرنے کے لیے اسکول میں ایک ووکیشنل گائیڈنس ورک شاپ منعقد کی گئی ہے.
اس موقع پر ایف ڈی اسکول کے طلباء ٹیچر، ڈاکٹر،پولیس، انجینئرنگ مینجر، اکاؤنٹ، پائلٹ، سائنٹسٹ اور ڈینٹیسٹ وغیرہ بن کر اسکول کے طلبا کو اپنے اپنے شعبے کے بارے میں معلومات فراہم کیں ہر فیلڈ کے تعلق سے چارٹ، پوسٹر، پلے کارڈ کی نمائش بھی کی گئی۔
لہذا اس فیلڈ میں پہنچنے کے لیے کون کون سے کورس اور امتحانات کو پاس کرنا ہوتا ہے؟ کتنے سال کے کونسے کورس ہوتے ہیں؟ تاہم مختلف فیلڈ کی کیا تنخواہ ہوتی ہے اس کے متعلق طلباء کو معلومات فراہم کی گئی.
جدید دور میں تعلیم کا حصول بے حد ضروری ہو گیا ہے ایسے میں ایف ڈی اسکول کے بچوں کی جانب سے اعلی تعلیم حاصل کرنے کے لیے اس طرح کا وکشنل گائڈنس ورک شاپ کا انعقاد قابل ستائش ہے۔
ای ٹی وی بھارت کے نمائندہ سے بات کرتے ہوئے متعدد طلباء نے کہا کہ انہیں بہت خوشی ہو رہی ہے کہ اس طرح کا وکشنل گائیڈنس اسکول میں رکھا گیا ہے اور ہمارے ذہن میں اعلی تعلیم حاصل کرنے کے لیے اور اپنے فیلڈ کو پسند کرنے میں جس طرح سے الجھن اور پریشانی لاحق ہوتی تھی وہ اب دور ہوگئی ہیں اور اب ہمیں مستقبل میں اپنے من موافق میدان کو منتخب کرنے میں بے حد آسانیاں ہونگی۔
چونکہ احمدآباد کی ایف ڈی اسکول کے بچے ہمیشہ سے ہر شعبے میں اپنی جگہ بنائے ہوئے ہیں ایسے میں ووکیشنل گائیڈنس ورکشاپ کے ذریعہ طلبا میں مزید حوصلہ پیدا کرے گا اور اب یہ طلباء بآسانی اعلی تعلیم حاصل کرنے کے بعد مختلف شعبوں سے جڑیں گے.
