ریاست گجرات میں 26 مارچ کو ہونے والے راجیہ سبھا الیکشن کے لئے بی جے پی اور کانگریس کے تمام امیدواروں نے پرچہ نامزدگی داخل کیا۔
جس میں کانگریس کے سینیر ترجمان شکتی سنگھ گوہل اور سابق گجرات کانگریس کمیٹی کے صدر بھرت سنگھ سولنکی اور بی جے پی سے ابھیے بھاردواج، رمیلا بارا اور نرہری امین نے پرچہ گجرات اسمبلی میں جا کر بھرا۔
دراصل آج راجیہ سبھا الیکشن کے لیے پرچہ داخل کرنے کی آخری تاریخ تھی اور وجے مہورت 12:39 کا تھا لیکن بی جے پی امیدوار نرہری امین کے اسمبلی میں تاخیر سے پہنچنے کی وجہ سے بی جے پی کے تمام امیدواروں نے لیٹ فارم بھرا۔
جبکہ کانگریس کے امیدوار شکتی سنگھ گوہل اور بھرت سنگھ سولنکی نے وقت پر پرچہ داخل کیا ایسے میں کانگریس کے امیدوار بھرت سنگھ سولنکی نے فارم بھرنے کے بعد دعوی کیا کہ کانگریس کے دونوں امیدواروں کو جیت حاصل ہوگی۔اور بی جے پی کو شکست ہوگی۔
دوسری جانب بی جے پی گجرات کے صدر جیتو واگھانی نے کہا کہ بی جے پی کو تمام تینوں سیٹوں پر جیت حاصل ہوکر رہے گی کیونکہ کانگریس کے اندر ہی اختلاف چل رہے ہیں۔ کانگریس کے کئی ارکان اسمبلی بی جے پی کے امیدوار کو ووٹ کریں گے۔
اس کے علاوہ پرچہ دآخل کرنے والے بی جے پی امیدوار ابھے بھردواج نے کہا کہ بی جے پی کی جیت طے ہے۔ اور وہ راجیہ سبھا الیکشن میں جیت حاصل کرنے کے لیے ہر ممکن کوشش کریں گے۔
