این آر سی اور سی اے اے کے خلاف ملک بھر میں ہنگامے اور تشدد جاری ہیں، ایسے میں گجرات کی شاہ عالم درگاہ کے باہر دو روز قبل این آر سی اور سی اے اے کے خلاف پر تشدد مظاہرے کے بعد آج شاہ عالم درگاہ سے امن و امان برقرار رکھنے کی اپیل کی گئی۔
شاہ عالم درگاہ کے خادم خاص صوبہ خان پٹھان نے اس موقع پر کہا کہ میں لوگوں سے اپیل کرنا چاہتا ہوں کے امن و امان قائم رکھیں، کسی طرح کی افواہوں پر دھیان نہ دیں اور ماحول کو پر امن بنا یے رکھیں، کیونکہ درگاہ کے آس پاس کا علاقہ اب معمول کے مطابق ہو چکا ہے، بازار بھی کھل چکے ہیں، شاہ عالم درگاہ میں بھی عقیدت مندوں کو آنا جانا شروع ہو گیا ہے اس لیے کسی افواہ یا کسی کی باتوں میں نہ آئیں۔
وہیں ایک غیر مسلم عقیدت مند اجے مودی نے کہا کہ میں گجرات کی عوام سے امن بنایے رکھنے کی اپیل کرتا ہوں لوگ افواہوں سے دور رہیں، انہوں نے کہا کہ احمدآباد کے شاہ عالم کی اس مقدس زمین پر جو ہوا وہ بے حد افسوسناک ہے۔
مزید پڑھیں:آر جے ڈی کارکنان کا 'ریل روکو' احتجاج
واضح رہے کہ شاہ عالم درگاہ علاقے میں ہویے پر تشدد واقعات کے خلاف پولیس نے شناخت کرکے کافی لوگوں کو حراست میں لیا ہے اور فی الحال تحقیقات جاری ہے۔
