کووِڈ کیئر سینٹر سے ایک کورونا پوزیٹیو فرار

احمدآباد کے سمرس ہاسٹل میں بنے کووڈ کیئر سینٹر سے ایک مریض فرارہوگیا، جسکی تلاش جاری ہے

ریاست گجرات کے شہر احمدآباد کے یونیورسٹی علاقے میں کووِڈ کیئر سینٹر سے ایک کورونا پوزیٹیو مریض فرار ہو گیا۔

پولیس نے بتایا کہ 'سمرس ہاسٹل' میں بنے کوووِڈ کیئر سینٹر سے ایک مریض منگل کی دیر رات فرار ہو گیا۔ معاملہ درج کرکے اس کی تلاش جاری ہے۔

فرار شخص کو اس کے گھر اور رشتہ داروں کے یہاں ڈھونڈا گیا لیکن ابھی تک اس کا کوئی سراغ نہیں ملا۔ مریض کے فرار ہونے سے کورونا وائرس پھیلنے کا اندیشہ ہے۔

اسی طرح 29 مئی کو بھی ایک کورونا پوزیٹیو مریض اسی کووِڈ کیئر سینٹر سے فرار ہو گیا تھا۔

قابل ذکر ہے کہ ریاست میں کورونا سے سب سے زیادہ متاثر احمدآباد میں گذشتہ شام تک 14 ہزار 952 کیسز سامنے آ چکے ہیں اور اس وائرس سے 1ہزار 66 اموات درج کی جا چکی ہیں۔