نئی دہلی: مرکزی وزیر خزانہ نے آج بجٹ 2023-24 پیش کیا۔ اس بجٹ 2023-24 میں بھارتی ریلوے کے لیے 2.4 لاکھ کروڑ روپے کے سرمائے کے اخراجات مختص کیے گئے ہیں یہ مالی سال 2013-14 میں خرچ کیے گئے اخراجات سے تقریباً نو گنا زیادہ ہے۔ وزیر خزانہ نرملا سیتا رمن نے لوک سبھا میں بجٹ پیش کرتے ہوئے کہا کہ اس مالی سال میں ریلوے کے لیے 2.40 لاکھ کروڑ روپے خرچ ہوں گے۔ انہوں نے کہا کہ کوئلہ، کھاد اور غذائی اجناس کے شعبوں کے لیے آخری اور پہلے میل کنیکٹیویٹی کے لیے 100 اہم ٹرانسپورٹ انفراسٹرکچر پروجیکٹوں کی نشاندہی کی گئی ہے اور انہیں 75,000 کروڑ روپے کی سرمایہ کاری کے ساتھ ترجیحی بنیادوں پر شروع کیا جائے گا، جس میں نجی ذرائع سے 15,000 کروڑ روپے شامل ہیں۔ مسافروں کی بڑھتی ہوئی توقعات کے ساتھ، ریلوے، راجدھانی، شتابدی، دورنتو، ہمسفر اور تیجس جیسی پریمیئر ٹرینوں کے 1,000 سے زیادہ ڈبوں کی تجدید کا منصوبہ بنا رہی ہے۔ ان کوچز کے اندرونی حصے کو جدید طریقے سے بہتر بنایا جائے گا۔
پرانی پٹریوں کو تبدیل کرنے کے لیے ایک اہم رقم مختص کیے جانے کا امکان ہے کیونکہ ریلوے ٹرینوں کو تیز کرنے اور وندے بھارت ایکسپریس کو مزید مقامات پر شروع کرنے کا منصوبہ بنایا جارہا ہے۔ سیاحوں کو راغب کرنے کے مقصد سے، ریلوے مزید 100 وسٹاڈوم کوچز تیار کرنے کی تجویز پر غور کررہی ہے۔ بجٹ میں، حکومت نے 35 ہائیڈروجن ایندھن پر مبنی ٹرینیں، 4,500 نئے ڈیزائن کردہ آٹوموبائل کیریئر کوچز جن میں سائیڈ انٹری ہے، 5,000 LHB کوچز اور 58,000 ویگنیں تیار کرنے کی تجویز پیش کی۔ ریلوے کو 2022-23 کے مرکزی بجٹ میں 1.4 لاکھ کروڑ روپے مختص کیے گئے تھے، جس میں سے 1.37 لاکھ کروڑ روپے کیپٹل اخراجات کے لیے اور 3،267 لاکھ کروڑ روپے محصولات کے اخراجات کے لیے مختص کیے گئے تھے۔
یہ بھی پڑھیں : Budget 2023 LIVE Updates، زرعی اسٹارٹ اپس کو ترجیح، بچوں اور نوجوانوں کے لیے ڈیجیٹل لائبریری… بجٹ کے بڑے اعلانات
Health in Budget 2023 فارما میں ریسرچ، آئی سی ایم آر کی بہتر سہولیات، نئے نرسنگ کالج
