ممبئی: بین الاقوامی بازاروں میں گراوٹ کے باوجود، توانائی، ٹیلی کام، تیل اور گیس، آئی ٹی سمیت سولہ گروپوں میں زبردست خرید کی وجہ سے سینسیکس Sensex اور نفٹی Nifty پچھلے تین دن کی گراوٹ سے ابر کر آدھے فیصد سے زیادہ کی تیزی پر رہے۔
بی ایس ای کا تیس حصص والا حساس انڈیکس سینسیکس 427.79 پوائنٹس کی چھلانگ لگا کر 55 ہزار پوائنٹس کی نفسیاتی سطح سے اوپر 55,320.28 پوائنٹس اور نیشنل اسٹاک ایکسچینج (این ایس ای) کا نفٹی 121.85 پوائنٹس کی چھلانگ لگا کر 16,478.10 پوائنٹ پر پہنچ گیا۔ اس مدت کے دوران، بی ایس ای مڈ کیپ 0.46 فیصد بڑھ کر 22,635.05 پوائنٹس اور اسمال کیپ 0.24 فیصد بڑھ کر 26,039.27 پوائنٹس پر پہنچ گیا۔ Sensex Jumps 428 pts, Nifty Ends Above 16,450
اس دوران بی ایس ای میں کل 3438 کمپنیوں کے حصص کا کاروبار ہوا جن میں سے 1770 کی قیمتوں میں اضافہ، 1540 کی قیمتوں میں کمی، 128 کی قیمتوں میں کوئی تبدیلی نہیں ہوئی۔ اسی طرح این ایس ای پر 38 کمپنیاں خرید میں تھیں جبکہ باقی 12 فروخت کے دباؤ میں تھیں۔
بی ایس ای کے 16 گروپس میں تیزی رہی، تین میں مندی رہی جبکہ ایک میں استحکام رہا۔ اس عرصے کے دوران انرجی 2.03، ہیلتھ کیئر 1.01، آئی ٹی 0.73، ٹیلی کام 2.10، کیپٹل گڈز 0.68، کنزیومر ڈیوریبلز 0.49، آئل اینڈ گیس 1.78 اور آئی ٹی گروپ کے حصص میں 0.99 فیصد اضافہ ہوا۔
عالمی بازار میں گراوٹ کا رجحان رہا۔ اس عرصے کے دوران برطانیہ کا ایف ٹی ایس ای 0.40، جرمنی کا ڈیکس 0.68، ہانگ کانگ کا ہینگ سینگ 0.66 اور چین کا شنگھائی کمپوزٹ 0.76 فیصد گر گیا۔ وہیں جاپان کے نکیئی میں 0.04 فیصد کا معمولی اضافہ ہوا۔
مزید پڑھیں:
یو این آئی
