نئی دہلی: مرکزی حکومت نے سبسڈی والے ٹماٹر کی قیمت 80 روپے فی کلو سے کم کر کے 70 روپے فی کلو کر دی ہے۔ مرکزی حکومت دہلی این سی آر اور کچھ دوسرے بڑے شہروں میں نیشنل کوآپریٹو کنزیومر فیڈریشن آف انڈیا (NCCF) اور نیشنل ایگریکلچر کوآپریٹو مارکیٹنگ فیڈریشن آف انڈیا (NAFED) کے ذریعے سبسڈی کے ساتھ 80 روپے فی کلو ٹماٹر فروخت کر رہی ہے۔
ٹماٹر کی آل انڈیا اوسط خوردہ قیمت تقریباً 120 روپے فی کلو ہے۔ حالانکہ کچن کی یہ اہم سبزی کچھ جگہوں پر 240 روپے فی کلو تک فروخت ہو رہی ہے۔ قومی راجدھانی میں ٹماٹر کی قیمت کم ہو کر 120 روپے فی کلو پر آ گئی ہے۔ ایک سرکاری بیان میں کہا گیا کہ "ٹماٹر کی قیمتوں میں گرتے ہوئے رجحان کو دیکھتے ہوئے، صارفین کے امور کے محکمے نے NCCF اور NAFED کو 20 جولائی 2023 سے 70 روپے فی کلو کی خوردہ قیمت پر ٹماٹر فروخت کرنے کی ہدایت دی گئی ہے۔"
