نئی دہلی: فارن پورٹ فولیو انویسٹرز (FPIs )نے بھارتی اسٹاک مارکیٹ میں اعتماد ظاہر کیا ہے اور مئی میں اب تک خالص خریدار بنے ہوئے ہیں۔ FPIs نے گزشتہ چار تجارتی سیشنوں میں اسٹاک مارکیٹوں میں 10,850 کروڑ روپے کی سرمایہ کاری کی ہے۔ غیر ملکی سرمایہ کاروں کی جانب سے یہ سرمایہ کاری ملک کے مستحکم میکرو اکنامک ماحول، مضبوط GST جمع کرنے کے اعداد و شمار اور کمپنیوں کے توقع سے بہتر سہ ماہی نتائج کے درمیان آئی ہے۔ اس سے پہلے اپریل میں FPIs اپریل نے اسٹاک میں 11,630 کروڑ روپے اور مارچ میں 7,936 کروڑ روپے لگائے تھے۔
مارچ میں، FPI سرمایہ کاری بنیادی طور پر امریکہ کے GQG پارٹنرز نے اڈانی گروپ کی کمپنیوں میں کی تھی۔ اگر اڈانی گروپ کی کمپنیوں کی طرف سے موصول ہونے والی سرمایہ کاری کو ہٹا دیا جائے تو مارچ میں ایف پی آئی کی آمد منفی ہو جائے گی۔ جیوجیت فائنانشل سروسز کے چیف انویسٹمنٹ اسٹریٹجسٹ وی کے وجے کمار نے کہا کہ روپے کی مضبوطی اور چوتھی سہ ماہی کے اچھے نتائج بھارت میں سرمائے کی آمد کو بڑھانے میں مدد ملے گی۔
ڈپازٹری ڈیٹا کے مطابق FPIs نے 2 سے 5 مئی تک کے چار تجارتی سیشنوں میں بھارتی ایکوئٹی میں 10,850 کروڑ روپے کی خالص سرمایہ کاری کی ہے۔ ہمانشو سریواستو، ایسوسی ایٹ ڈائریکٹر-منیجر ریسرچ، مارننگ اسٹار انڈیا نے کہا کہ FPIs ملک کے مستحکم معاشی ماحول، مضبوط GST جمع کرنے کے اعداد و شمار اور کمپنیوں کے متوقع سہ ماہی نتائج سے بہتر ہونے کی وجہ سے بھارتی مارکیٹ میں سرمایہ کاری کر رہے ہیںاس دوران اس مدت میں، FPIs نے قرض یا بانڈ مارکیٹ سے 2460 کروڑ روپے نکالے ہیں۔
مزید پڑھیں:
