نئی دہلی: وزیر صحت ڈاکٹر منسکھ مانڈویا نے دوا سازی کی صنعت پر زور دیا کہ وہ معیاری دوائیں تیار کرنے پر توجہ مرکوز کرے اور عالمی مارکیٹ میں اپنی رسائی میں اضافہ کرے۔ وہ نئی دہلی میں دواﺅں کی قیمتیں طےکرنے سے متعلق قومی اتھارٹی کی سلور جوبلی تقریبات سے خطاب کر رہے تھے۔ ڈاکٹرمانڈویا نے کہا کہ معیاری دوائیں فراہم کرنے کے معاملے میں دنیا میں ملک کی ساکھاور شہرت میں اضافہ ہوا ہے۔ انہوں نے دواسازی کے شعبے کو مستحکم بنانے کی خاطر تحقیق پر توجہ مرکوز کرنے کی ضرورت پر زور دیا۔ pharmaceutical firms should develop quality medicines
ڈاکٹر مانڈویا نے کہاکہ مرکزی حکومت صرف غریبوں اور کسانوں کی بہبود کے لیے ہی نہیں بلکہ صنعتوں کے فروغ کے لیے بھی کام کر رہی ہے۔ انہوں نے کہا کہ بھارت کے حفظانِ صحت کے شعبے نے دنیا بھر میں جو اعتماد اور بھروسہ حاصل کیا ہے، اس کی بدولت ملک کو دنیا کی فارمیسی کہا جانے لگا ہے، ساتھ ہی دواﺅں اور دواسازی سے وابستہ اشیا کی برآمد میں بھی اضافہ ہوا ہے۔