نئی دہلی: مرکزی حکومت نے گھریلو طور پر پیدا ہونے والے خام تیل کی برآمد پر ونڈ فال ٹیکس میں کمی کا اعلان کیا ہے۔ مرکزی حکومت نے کل یعنی 15 دسمبر کو ایک نوٹیفکیشن جاری کرکے اس کا اعلان کیا ہے۔ اس نوٹیفکیشن کے مطابق حکومت کی جانب سے خام تیل پر ونڈ فال ٹیکس میں کمی کی گئی ہے۔ اس کے ساتھ ہی ایئر ٹربائن فیول (اے ٹی ایف) اور ڈیزل کی برآمد پر اضافی ڈیوٹی بھی کم کر دی گئی ہے۔ Central Govt slashes windfall tax on petrol, diesel, ATF
اس حوالے سے جاری کردہ نوٹیفکیشن میں کہا گیا کہ مقامی سطح پر پیدا ہونے والے خام تیل پر عائد ونڈ فال پرافٹ ٹیکس 4900 روپے فی ٹن سے کم کر کے 1700 روپے فی ٹن کر دیا گیا ہے۔ خام تیل کے ونڈ فال ٹیکس میں کمی کے بعد نئی قیمتیں آج یعنی 16 دسمبر 2022 سے نافذ ہو گئی ہیں۔
