Budget 2023 Expected اس بار کے بجٹ میں روزگار پر توجہ مرکوز ہونے کی امید

مرکزی بجٹ 2023 کے پیش ہونے کو اب صرف چند دن باقی ہیں، چونکہ یہ 2024 میں عام انتخابات سے قبل پورے سال کا آخری بجٹ ہے۔ اس لیے توقع ہے کہ حکومت اس بجٹ میں ترقی اور روزگار کے مواقع پیدا کرنے پر ترجیح دے گی۔ Budget 2023 expected to focus on job creation

نئی دہلی: عام بجٹ پیش ہونے میں اب صرف ایک ہفتہ باقی ہے، تجزیہ کاروں کو امید ہے کہ 2023 کے عام بجٹ میں روزگار کےمواقع پیدا کرنے پر خصوصی توجہ ہوگا۔ ایکسس سیکیورٹیز کے ایم ڈی اور سی ای او بی گوپ کمار نے کہا کہ چونکہ یہ 2024 میں عام انتخابات سے قبل پورے سال کا آخری بجٹ ہے اس لیے اس کے خاص ہونے کی امید ہے۔ بجٹ کا فوکس روزگار، تخلیق اور سرمایہ کاری پر مبنی نمو پر ہونے کا امکان ہے۔ گوپ کمار نے کہاکہ انکم ٹیکس کے فوائد کو بڑھانے کے لیے کچھ اعلانات سے رئیل اسٹیٹ سیکٹر کو فروغ مل سکتا ہے۔'

دیہی اخراجات اور بنیادی ڈھانچے کی ترقی بجٹ کی اہم جھلیاں ہوں گی۔ انٹرپرینیورشپ کو مضبوط کرنے کے لیے روڈ میپ اور خود کفیل کو فروغ دیا جا سکتا ہے۔ گوپ کمار نے کہاکہ ایف ایم سی جی، مینوفیکچرنگ، ایم ایس ایم ای اور بینکنگ کچھ ایسے شعبے ہیں جن پر خصوصی توجہ ہوسکتی ہے۔ تیجی منڈی کے ریسرچ کے سربراہ انمول داس نے کہا کہ "بہت ساری صنعتیں اپنے انفرادی شعبوں کے لیے مراعات کا مطالبہ کر رہی ہیں۔ ہم توقع کررہے ہیں کہ وزیر خزانہ انفراسٹرکچر، مینوفیکچرنگ، دفاع اور برآمدات سے چلنے والے کاروبار پر بڑی مراعات کے ساتھ ایک بڑا بجٹ پیش کریں گی۔ یہ موضوعات سرمایہ کاری کی منزل کے طور پر کاروباری جذبات کو پورا کریں گے، اگلے برس کے انتخابات کو دیکھتے ہوئے وزیر خزانہ سیتارمن ٹیکس سلیبس اور براہ راست ٹیکسوں کے لیے چھوٹ کی حد میں کچھ نرمی دے سکتی ہیں۔

ان عمومی توقعات کے علاوہ، دیگر شعبوں میں سرمایہ کاری کے اہداف ہوں گے۔ جو گذشتہ کئی برسوں سے مکمل نہیں ہوسکے ہیں۔ کیپٹل گین ٹیکس کے نظام میں تبدیلی، ای وی چارجنگ سٹیشن نیٹ ورک کی ترقی کے لیے مراعات، دفاعی شعبوں میں کمپنیوں کے مقامی بنانے کے لیے درآمد پر پابندی، آلات اور گولہ بارود وغیرہ شامل ہوں گے۔'

امر امبانی، گروپ پریذیڈنٹ اور ہیڈ، انسٹیٹیوشنل ایکوئٹیز، یس سیکیورٹیز نے کہا کہ اگرچہ مالی برس 23 کے اخراجات بجٹ کی سے زیادہ ہوں گے، لیکن ٹیکس وصولیوں میں اضافے کی وجہ سے سب قابو میں رہے گا۔ انہوں نے کہاکہ حکومت کیپیکس پر توجہ مرکوز رکھے گی اور بالواسطہ ٹیکسوں کا حصہ بڑھانے کے اپنے ہدف پر قائم رہے گی۔ ہم جی ڈی پی میں سبسڈی بل کو کووڈ سے پہلے کی سطح پر واپس جاتے ہوئے دیکھتے ہیں۔ دیہی اخراجات میں اضافہ اور بنیادی ڈھانچے کی ترقی کے اقدامات بجٹ میں اہم نکات ہوں گے۔ کاروباری ثقافت کی تشکیل اور مضبوطی کے لیے کوئی بھی روڈ میپ خود کفیل کو فروغ دے سکتا ہے اور روزگار پیدا کرنے میں مدد کر سکتا ہے۔ مرکزی بجٹ 2023 ملازمتوں کی پیداوار پر توجہ مرکوز کرتا ہے۔