Bakra Bazaar in Delhi Jama Masjid: دہلی جامع مسجد کا بکرا بازار، تاجروں کا منتظر

عید الاضحیٰ سے قبل دہلی کی شاہی جامع مسجد کے اطراف میں بکروں کا بازار سجنے لگتا تھا اور دیکھتے ہی دیکھتے اتنے بکرے اس بازار میں پہنچ چکے ہوتے تھے کہ وہاں سے چلنا بھی محال ہوجاتا تھا۔ تاہم رواں برس جامع مسجد کا یہ بازار خالی پڑا ہے۔ Bakra Bazaar in Delhi Jama Masjid

دہلی: عید الاضحیٰ میں ابھی کچھ روز باقی ہیں، ایسے میں بکرے کی خرید و فروخت بھی شروع ہو چکی ہے تاہم دہلی کی شاہی جامع مسجد کے پہلو میں بنے اردو پارک میں گزشتہ 50 برسوں سے بکرے کا بازار ایک ماہ قبل ہی سج جایا کرتا تھا لیکن رواں برس ایسا نہیں ہے۔ Bakra Bazaar in Delhi Jama Masjid۔ دراصل گزشتہ دو برس کورونا کی نذر ہوئے تاہم رواں برس معمولات زندگی واپس پٹری پر لوٹ چکی ہے اسی لیے لوگوں کو امید ہے کہ اس برس بکرے کی خریداری گزشتہ دو برسوں کے مقابلے زیادہ ہوگی۔

اس پورے معاملے پر ای ٹی وی بھارت کے نمائندے نے دہلی کی شاہی جامع مسجد کے اطراف میں لگنے والے بکرے کے بازار کا جائزہ لیا جہاں ابھی کچھ ہی لوگ بکرے فروخت کرنے یہاں آئے ہیں جب کہ اردو پارک مکمل طور پر خالی پڑا ہے۔ نمائندے نے بکرا بازار کے ذمہ دار محمد شاکر سے بھی بات کی۔ جس میں انہوں نے بتایا کہ اردو بازار پارک میں بکرے یکم جولائی سے فروخت ہونا شروع ہوں گے۔ چونکہ ہمیں ایم سی ڈی کی جانب سے صرف 11 دن کی اجازت ملی ہے اس لیے ہم بھی ایم سی ڈی پرمیشن کے مطابق ہی بازار لگائیں گے۔ البتہ جامع مسجد کے دیگر پارک اور خالی جگہ پر بازار لگنا شروع ہو گیا ہے۔ Bakra Bazaar of Jamia Masjid awaits Goat Traders

دہلی جامع مسجد کا بکرا بازار بکرا تاجروں کا منتظر

وہیں محمد وسیم کا کہنا تھا کہ 50 سالہ اس قدیمی بازار میں بکرے والوں کے لیے تمام تر سہولیات فراہم کی گئی ہیں تاکہ انہیں پریشانی نہ ہو ان کے مطابق بکرے والے موجودہ حالات کی وجہ سے ڈر و خوف میں مبتلا ہیں۔ ہماری ان سے اپیل ہے کہ وہ بازار میں آئے انہیں تمام سہولیات مہیا کرائی جائیں گی۔ محمد مجتبیٰ نے بتایا کہ اس بازار کو سجانے کے لیے دہلی پولیس اور انتظامیہ کی مکمل طور پر مدد حاصل ہے ایسے میں بکرے کے تاجروں کو پریشان ہونے کی ضرورت نہیں ہے۔ یہ بھی پڑھیں: