نئی دہلی: ٹیلی کام کے وزیر اشونی وشنو نے جمعرات کے روز ٹیلی کام سروس فراہم کرنے والوں سے کہا کہ 'وہ 5G خدمات فراہم کرنے کوششوں میں تیزی لائیں۔ انہوں نے یہ بات کمپنیوں کو سپیکٹرم الاٹمنٹ لیٹر جاری کرنے کے بعد کہی۔ وشنو نے ٹیلی کام خدمات فراہم کرنے والوں سے درخواست کی ہے کہ کمپنیاں 5 جی کی خدمات کے لیے تیاری کرلیں۔ 5G to Roll Out Soon, IT Minister Ashwini Vaishnaw
بھارتی انٹرپرائزز کے چیئرمین سنیل متّل نے اسپیکٹرم کی نیلامی سے متعلق ٹیلی مواصلات کے محکمے کی ستائش کی ہے۔ بھارتی متل نے جمعرات کو کہاکہ یہ پہلا موقع ہے جب محکمہ ٹیلی کمیونیکیشن (DoT) نے پیشگی ادائیگی کے دن ہی سپیکٹرم الاٹمنٹ لیٹر حوالے کیا۔
متل نے کہا کہ اسپیکٹرم کے ساتھ E-Band بھی دیے گئے ہیں جیسا کہ وعدہ کیا گیا تھا۔ انہوں نے کہا کہ کوئی پریشانی نہیں ہے، کوئی پیروی نہیں ہے، زیادہ بھاگ دوڑ نہیں ہے اور کسی طرح کے بڑے بڑے دعوے نہیں ہیں۔ اس سے کاروبار کرنے میں آسانی ہوگی جیسا کہ ہونی چاہیے۔ فریکوئنسی دیے جانے کے ساتھ ہی ٹیلی کام آپریٹر 5G نیٹ ورک کا کام شروع کرسکتے ہیں۔ ہمارے نامہ نگار نے خبر دی ہے کہ حکومت اور ٹیلی کام آپریٹر جلد ازجلد 5G خدمات کا آغاز کرنا چاہتے ہیں۔ شاید آئندہ ماہ سے اس کا آغاز ہوجائے۔
مزید پڑھیں:
