وزیراعظم نریندر مودی کی صدارت میں بدھ کے روز دہلی میں منعقد مرکزی کابینہ کے اجلاس میں اس تجویز کو منظوری دی گئی۔
اجلاس کے بعد وزیر خزانہ نرملا سیتا رمن نے ایک پریس کانفرنس میں بتایا کہ بینکوں کے انضمام کے بہتر نتائج سامنے آئے ہیں۔ وجیہ بینک، دینا بینک اور بڑودا بینک کے انضمام سے صارفین کو فائدہ ہوا ہے اور قرض کی تقسیم کا وقت 27 دن سے کم ہو کر 11 دن رہ گیا ہے۔
انهوں نے بتایا کہ اورینٹل بینک آف کامرس اور یونائیٹیڈ بینک آف انڈیا کا انضمام پنجاب نیشنل بینک میں کیا گیا ہے۔ سنڈیکیٹ بینک کو کینرا بینک میں ملا دیا جائے گا۔ آندھرا بینک اور کارپوریشن بینک کا انضمام یونین بینک آف انڈیا میں کیا جائے گا۔ الہ آباد بینک کو انڈین بینک میں ملایا جائے گا۔ بینکوں کا انضمام یکم اپریل 2020 سے نافذ ہوگا۔
