ایندھن کے ساتھ اشیائے خورد ونوش کی قیمتوں میں تیزی سے اضافے کے ساتھ تھوک مہنگائی رواں برس جولائی میں دو ہندسوں تک پہنچ گئی اور گزشتہ برس جولائی کے مقابلے میں اسی مہینے میں یہ شرح بڑھ کر 11.16 فیصد تک پہنچ گئی۔
وزارت تجارت و صنعت کی جانب سے جاری کردہ تازہ ترین اعداد و شمار کے مطابق جولائی 2020 میں یہ شرح 0.25 فیصد تھی لیکن رواں برس اس میں زبردست اضافہ دیکھنے میں آیا ہے۔ یہ جون 2021 میں 12.7 فیصد تھی۔
- مزید پڑھیں: جون میں تھوک افراط زر 12.7 فیصد درج
تھوک مہنگائی میں دوگنا اضافہ پٹرولیم مصنوعات اور قدرتی گیس نیز معدنی تیل، تیار شدہ مصنوعات وغیرہ کی قیمتوں میں اضافے کی وجہ سے درج کیا گیا ہے۔
یو این آئی
