دوسرے دن بھی پٹرول۔ڈیزل کی قیمتیں مستحکم

بدھ اور جمعرات کے دن دونوں ایندھن کی قیمتوں میں کوئی اضافہ نہیں کیا گیا ہے۔ اس سے قبل مسلسل دو دن پٹرول۔ڈیزل کی قیمتوں میں اضافہ درج کیا گیا تھا۔

دہلی میں فی لیٹر پٹرول کی قیمت 85.20 روپے ہے، کولکاتا 86.63 روپے، چنئی میں 87.85 روپے اور ممبئی میں 91.80 فی لیٹر ہے۔

سرکاری تیل کمپنوں کی جانب سے پیٹرول اور ڈیزل کی قیمتوں میں آج مسلسل دوسرے روز کوئی اضافہ نہیں کیا گیا ہے۔ اس سے قبل منگل کے روز ڈیزل کی قیمتوں میں 24 سے 25 پیسے کا اضافہ کیا گیا تھا اور پیٹرول کی قیمت میں 22 سے 25 پیسے اضافہ کیا گیا تھا۔

واضح رہے کہ پیر اور منگل کو ایندھن کی قیمتوں میں مسلسل اضافے کے بعد دارالحکومت دہلی سمیت چاروں بڑے شہروں میں پیٹرول کی قیمت بلند ترین سطح پر پہنچ گئی ہیں۔

انڈین آئل کی ویب سائٹ کے مطابق دہلی، کولکاتا، ممبئی اور چنئی میں پٹرول کی قیمتیں بالترتیب 85.20 ، 86.63 روپے، 91.80 اور 87.85 روپے فی لیٹر ہیں۔

دہلی، کولکاتا، ممبئی اور چنئی میں ڈیزل کی قیمتیں بھی بالترتیب 75.38، 78.97 روپے، 82.13 اور 80.67 روپے فی لیٹر ہیں۔