نئی دہلی: انڈین آئل کی ویب سائٹ کے مطابق آج پیٹرول اور ڈیزل کی قیمتوں میں پھر اضافہ ہوگیا ہے۔ ڈیزل کی قیمتوں میں 21 سے 24 پیسے اضافہ ہوا ہے، جبکہ پیٹرول کی قیمتوں 17 پیسے سے 20 پیسے اضافہ ہوا ہے۔ انڈین آئل کی ویب سائٹ کے مطابق چار بڑے شہروں دہلی، کولکاتا، ممبئی اور چنئی میں پیٹرول کی قیمتیں بالترتیب 82.88 روپے، 84.37 روپے، 89.52 روپے اور 85.76 روپے فی لیٹر ہوگئی ہیں۔ اسی طرح ان چاروں بڑے شہروں میں ڈیزل کی قیمتیں بھی بالترتیب 73.07، 76.65 روپے، 79.66 روپے اور 78.45 روپے فی لیٹر ہوگئی ہیں۔
شہر۔۔۔۔۔۔۔۔۔۔ پیٹرول ۔۔۔۔۔۔۔۔۔۔۔ ڈیزل
دہلی۔۔۔۔۔۔۔۔۔۔۔82.86۔۔۔۔۔۔۔۔۔۔۔73.07
کولکاتا۔۔۔۔۔۔۔۔۔84.37۔۔۔۔۔۔۔۔۔۔۔76.64
ممبئی۔۔۔۔۔۔۔۔۔۔89.52۔۔۔۔۔۔۔۔۔۔۔79.66
چنئی۔۔۔۔۔۔۔۔۔۔85.76۔۔۔۔۔۔۔۔۔۔78.45
بین الاقوامی بازار مین خام تیل کی قیمتوں میں تیزی کے ساتھ ہی گھریلو بازار میں پیٹرول اور ڈیزل کی قیمتوں میں اضافہ درج کیا جارہا ہے، دو دنوں کے استحکام کے بعد مسلسل تیسرے روز آج پیٹرول اور ڈیزل کی قیمتوں میں اضافہ درج کیا گیا ہے۔
خبروں کے مطابق عالمی وبا کورونا وائرس کا پھیلاؤ دوبارہ شروع ہوگیا ہے جس کی وجہ سے کچھ ممالک میں لاک ڈاؤن کی صورتحال بن گئی ہے۔ اس کے برعکس چین میں اس کی مانگ میں اضافہ درج کیا جارہا ہے۔ جس کا اثر بین الاقوامی خام بازار میں دیکھا جارہا ہے۔
