غیر ملکی بازاروں میں جاری تیزی کے باوجود مقامی سطح پر اگست میں پروڈکشن میں سرگرمیاں سست پڑنے سے نا امید سرمایہ کاروں کے اونچی قیمتوں میں شیئروں کو فروخت کرنے سے بدھ کے روز سنسیکس 214.18 پوائنٹس گر کر ایک بار پھر عروج سے نیچے چلا گیا۔ اور نفٹی بھی چوٹی سے پھسل گئی بی ایس ای کا 30 حصص والا انڈیکس 214.18 پوائنٹس گر کر 57338.21 پر آگیا لیکن 57 ہزار سے اوپر رہنے میں کامیاب رہا۔ اسی طرح نیشنل اسٹاک ایکسچینج (این ایس ای) کا نفٹی بھی 55.95 پوائنٹس کی گراوٹ سے 17076.25 پوائنٹس پر آگیا۔
بڑی کمپنیوں کے برعکس، چھوٹی اور درمیانے درجے کی کمپنیوں میں مضبوط خریداری رہی۔ اس دوران بی ایس ای مڈ کیپ 219.15 چھلانگ لگا کر 24072.58 تک پہنچ گیا۔ اسی طرح اسمال کیپ 59.95 پوائنٹس کے اضافے سے 26979.89 پوائنٹس رہا۔
بی ایس ای میں مجموعی طور پر 3330 کمپنیوں کا کاروبار ہوا جن میں سے 1513 فائدہ میں اور 1664 میں گھاٹے میں، جبکہ 153 میں کوئی تبدیلی نہیں ہوئی۔
ٹریڈنگ کے آغاز میں نفٹی 53.4 پوائنٹس کے اضافے سے 17185.60 پر کھلا۔ سیشن کے دوران یہ خریداری کے بل پر 17225.75 پوائنٹس کی بلند ترین سطح پر پہنچ گیا لیکن فروخت کے دباؤ میں یہ 17055.05 پوائنٹس کی کم ترین سطح پر آگیا۔ آخر میں یہ 0.33 فیصد کی گراوٹ کے ساتھ 17076.25 پوائنٹس رہا جبکہ گزشتہ روزیہ 17132.20 پوائنٹس پر بند ہوا تھا۔
اسی عرصے کے دوران ایشین پینٹ 3.20 فیصد، نیسلے انڈیا 1.73، ایکسس بینک 1.54، ڈاکٹر ریڈی 1.17 ، ٹائٹن 0.94 ، ایل ٹی 0.91، ایس بی آئی 0.87 ، بجاج آٹو 0.86 ، انڈس انڈ بینک 0.51 ، ریلائنس انڈسٹریز 0.46 ، بھارتی ایئرٹیل 0.38، ہندوستان یونی لیور 0.28 فیصد اور بجاج فنانس 0.04 فیصد فائدے میں رہیں۔
- مزید پڑھیں: رواں مالی برس میں شرح نمو 9.7 فیصد رہنے کی توقع
- جولائی میں بنیادی صنعتوں کی پیداوار میں 9.4 فیصد اضافہ
- پہلی سہ ماہی میں جی ڈی پی GDP کی شرح 20 فیصد
نقصاں اٹھانے والی کمپنیوں میں مہندرا اینڈ مہندرا 2.89 فیصد ، ٹاٹا اسٹیل 2.67 ، بجاج فنسرو 2.04، ٹی سی ایس 1.91، ایچ ڈی ایف سی 1.90 ، انفوسس 1.57 ، ایچ سی ایل ٹیک 1.42، الٹراسمکو 0.94، ماروتی 0.86 اور آئی ٹی سی 0.83 فیصد شامل ہیں۔ ان کے علاوہ دیگر کمپنیوں کے حصص بھی 0.08 فیصد سے گر کر 0.77 فیصد رہ گئے۔
یواین آئی
