نئی دہلی: مکانات اور شہری ترقی کے مرکزی وزیر ہردیپ سنگھ پوری نے گاؤں سے شہروں کی طرف منتقلی کو بڑا چیلنج قرار دیتے ہوئے کہا ہے کہ حکومت اس سے نمٹنے کے لیے جنگی سطح پر کام کر رہی ہے۔ تاکہ سبھی کو بنیادی سہولیات سے آراستہ کیا جائے۔
ہردیپ سنگھ نے پیر کو بازآبادکاری کا عالمی دن کے موقع پر اپنے دفتر سے ایک ویبینار سے خطاب کرتے ہوئے کہا کہ شہروں کی طرف دیہی علاقوں سے وسیع سطح پر منتقلی ہورہی ہے۔ اس سے شہری بلدیہ کے سامنے سبھی کو بنیادی سہولیات مہیا کرنے کا بڑا چیلنج پیدا ہو گیا ہے۔ حکومت نے اس سے نمٹنے کے لیے جنگی سطح پر کام کرتے ہوئے ایک منصوبہ تیار کیا ہے۔
شہروں میں بڑی تعداد میں کرائے پررہنے کے لیے مکان بنائے جارہے ہیں۔ اس کے لیے فارمیٹ تیار کرلیا گیا ہے اور اس پر تیزی سے کام چل رہا ہے۔ انہوں نے بتایا کہ نئے مکان بنانے میں ماحولیات کے مطابق تکنیک اپنانے پر زور دیا جارہا ہے۔ اس سے قدرت پر منفی اثر ڈالنے والی وجوہات کو قابو کرنے میں مدد ملے گی۔ اس کے لیے جدید تکنیک حاصل کرنے پر زور دیا جار ہا ہے۔ اس موقع پر وزارت میں سکریٹری درگا شنکر مشرا اور دیگر سینئر افسر موجود تھے۔ اس موقع پر کئی کتابوں کا اجرا بھی کیا گیا۔
