کمیونسٹ پارٹی آف انڈیا (سی پی آئی) نے کہاکہ جب ملک میں اقتصادی مندی سے لو گ بے حال ہیں تو حکومت اپنے 100دنوں کی کامیابیاں بیان کرنے میں مصروف ہے اور اس کے لئے وہ جگہ جگہ تقریبات کررہی ہے۔
پارٹی کی قومی کونسل نے پیر کو جاری ایک بیان میں کہاکہ گزشتہ ایک مہینہ سے جموں۔کشمیر میں بحران کی صورتحال ہے اور لوگوں کے جمہوری حقوق چھین لیے گئے ہیں۔ آسام میں 20 لاکھ لوگوں کو قومی شہری رجسٹر سے ہٹا دیا گیا جس سے ان کی شہریت پر غیریقینی کی صورتحال ہے۔
معربی بنگال اور دیگر ریاستوں میں ایسے لوگوں کو بی جے پی کارکنوں اور وزرا کی طرف سے دھمکی دی جارہی ہے۔
بیان میں کہا گیا کہ حکومت ایسے زرعی بحران جس کی ماضی میں کوئی نظیر نہیں ملتی بے روزگاری کے مسئلے کو حل نہیں کرپارہی ہے۔ عدم رواداری بڑھ رہی ہے اور سنگھ پریوار تباہ کن پالیسیاں اختیار کررہا ہے جبکہ حکومت اپنی کامیابیاں بیان کرنے میں مصروف ہے۔
سی پی آئی نے کہاکہ' حکومت کو چاہئے کہ وہ صورتحال کی سنگینی کے پیش نظر عوام کے مسائل کو حل کرے اور ملک کے اتحاد و یکجہتی کے لئے کام کرے نیزملک کی معیشت کو پٹری پر لانے کا کام کرے۔
سی پی آئی کا مودی حکومت پر سخت تنقید
کمیونسٹ پارٹی آف انڈیا نے اپنے بیان میں مودی حکومت پر تنقید کرتے ہوئے کہا کہ' اقتصادی مندی کے باوجود مودی حکومت کامیابیاں بیان کررہی ہے۔
کمیونسٹ پارٹی آف انڈیا (سی پی آئی) نے کہاکہ جب ملک میں اقتصادی مندی سے لو گ بے حال ہیں تو حکومت اپنے 100دنوں کی کامیابیاں بیان کرنے میں مصروف ہے اور اس کے لئے وہ جگہ جگہ تقریبات کررہی ہے۔
پارٹی کی قومی کونسل نے پیر کو جاری ایک بیان میں کہاکہ گزشتہ ایک مہینہ سے جموں۔کشمیر میں بحران کی صورتحال ہے اور لوگوں کے جمہوری حقوق چھین لیے گئے ہیں۔ آسام میں 20 لاکھ لوگوں کو قومی شہری رجسٹر سے ہٹا دیا گیا جس سے ان کی شہریت پر غیریقینی کی صورتحال ہے۔
معربی بنگال اور دیگر ریاستوں میں ایسے لوگوں کو بی جے پی کارکنوں اور وزرا کی طرف سے دھمکی دی جارہی ہے۔
بیان میں کہا گیا کہ حکومت ایسے زرعی بحران جس کی ماضی میں کوئی نظیر نہیں ملتی بے روزگاری کے مسئلے کو حل نہیں کرپارہی ہے۔ عدم رواداری بڑھ رہی ہے اور سنگھ پریوار تباہ کن پالیسیاں اختیار کررہا ہے جبکہ حکومت اپنی کامیابیاں بیان کرنے میں مصروف ہے۔
سی پی آئی نے کہاکہ' حکومت کو چاہئے کہ وہ صورتحال کی سنگینی کے پیش نظر عوام کے مسائل کو حل کرے اور ملک کے اتحاد و یکجہتی کے لئے کام کرے نیزملک کی معیشت کو پٹری پر لانے کا کام کرے۔
