ممبئی: عالمی سطح پر ملے جلے اشاروں کے درمیان آج گھریلو سطح پر ریلائنس انڈسٹریز، ماروتی سوزوکی اور آئی ٹی سی جیسی بڑی کمپنیوں میں ہوئی فرخت کی وجہ سے شیئر بازار مسلسل دوسرے دن گراوٹ میں رہے۔ اس سے بی ایس ای کا سینسیکس 300 پوائنٹز ٹوٹ کر 37734.08 پوائنٹز پر اور نیشنل اسٹاک ایکسچنج (این ایس ای) کا نفٹی 96.90 پوائنٹز گرکر 11153.65 پوائنٹز پر رہا۔
بی ایس ای میں آئی ٹی اور ٹیک گروپ کی کمپنیوں کو چھوڑ کر تقریباً تمام گروپوں میں فروخت نظر آئی۔ بڑی کمپنیوں کے مقابلہ میں چھوٹی اور درمیانہ کمپنیوں میں زیادہ فروخت ہوئی جس سے بی ایس ای کا مڈ کیپ 1.70فیصد ٹوٹ کر 14531.59 پوائنٹز پر اور اسمال کیپ 1.61فیصد گرکر 14509.26 پوائنٹز پر رہا۔
بی ایس ای کا آئی ٹی گروپ 0.91فیصد اور ٹیک 0.67فیصد کی سبقت میں رہے اور باقی تمام گروپ گراوٹ میں رہے۔ سی جی میں سب سے زیادہ 2.47فیصد گراوٹ رہی۔ بی ایس ای میں کل ملاکر 2791کمپنیوں میں کاروبار ہوا جس میں سے 1879میں گراوٹ رہی جبکہ 748سبقت میں رہے۔ 164 میں کوئی تبدیلی نہیں ہوئی۔
عالمی سطح پر یوروپ اور جاپان کے شیئر بازار سبقت میں رہے جبکہ ہانگ کانگ اور چین کے بازار میں گراوٹ میں رہے۔ برطانیہ کا ایف ٹی ایس ای 0.27فیصد، جرمنی کا ڈیکس 0.91فیصد اور جاپان کا نکئی 0.18فیصد کی سبقت میں رہے۔ ہانگ کانگ کا ہینگ سینگ 0.48فیصد اور چین کا شنگھائی کمپوزٹ 1.29فیصد گرا۔
