ممبئی: آئی ٹی اور ٹیک سیکٹر کی انفسوسس اور ٹی سی ایس کے علاوہ ریلائنس انڈسٹریز اور ایچ ڈی ایف سی جیسی بڑی کمپنیوں میں فروخت کے رجحان کی وجہ سے 30 حصص پر مشتمل سینسیکس انڈیکس 26.88 پوائنٹس یا 0.08 فیصد کی کمی سے 34842.10 پوائنٹس پر بند ہوا۔
صبح سے ہی بازار اتار چڑھاؤ کا شکار رہا۔ نیشنل اسٹاک ایکسچینج کا نفٹی بھی دن بھر کبھی سرخ تو ہرے نشان سے ہوتا ہوا نیشنل اسٹاک ایکسچنج کا نفٹی بھی 16.40 پوائنٹس یعنی 0.16 فیصد کی کمی سے 10288.90 پوائنٹس پر بند ہوا۔ مجموعی طور پر، مارکیٹ کا سرمایہ کاری کا تصور مضبوط رہا۔
بڑی کمپنیوں کے برعکس، سرمایہ کاروں نے درمیانے اور چھوٹی کمپنیوں میں سرمایہ کاری میں اضافہ کیا۔ بی ایس ای کا مڈ کیپ 0.62 فیصد اضافے سے 13222.43 پوائنٹس اورا سمال کیپ 0.76 فیصد اضافے کے ساتھ 12606.14 پوائنٹس پر بند ہوا۔
سینسیکس کمپنیوں میں ایشین پینٹس کے حصص میں تین فیصد سے زیادہ کمی رہی۔ انفوسس میں دو فیصد سے زیادہ کمی آئی۔ ٹی سی ایس، مہندرا اینڈ مہندرا، او این جی سی اور ایچ سی ایل ٹیکنالوجیز کے حصص ڈیڑھ فیصد سے زیادہ اضافے کے ساتھ بند ہوئے۔ ایف ایم سی جی سیکٹر میں تیزی کے باعث آئی ٹی سی کے حصص میں تقریباً ساڑھے پانچ فیصد کا اضافہ ہوا۔بیرون ملک میں بیشتر ایشین اسٹاک مارکیٹوں میں سرخ نشان رہا۔ جنوبی کوریا کا کوسپی 2.27 فیصد، جاپان کی نکی 1.22 فیصد اور ہانگ کانگ کا ہینگسنگ 0.50 فیصد گراوٹ کے ساتھ بند ہوا۔ وہیں چین کا شنگھائی کمپوزٹ 0.30 فیصد اضافہ میں رہا۔ یورپ میں ابتدائی تجارت میں برطانیہ کا ایف ٹی ایس ای 0.01 فیصد گرگیا، جبکہ جرمن ڈیکس میں 0.41 فیصد اضافہ ہوا۔
