ممبئی: بینکنگ اور مالیاتی شعبے کی کمپنیوں کے ساتھ ساتھ ریلائنس اور ٹی سی ایس جیسی بڑی کمپنیوں کی خریداری کی وجہ سے گھریلو اسٹاک مارکیٹ میں آج مسلسل پانچویں روز بھی تیزی رہی، جس کی وجہ سے بی ایس ای سنیکس 46960.69 پوئنٹز کے قریب پہنچ گیا۔ صبح معمولی کمی کے بعد سنسیکس دن بھر ہرے نشان میں رہا اور آخر میں70.35 پوائنٹز یعنی 0.15 فیصد اضافے کے ساتھ 46960.69 پر بند ہوا۔ سہ پہر کے ایک موقع پر یہ 47،026.02 کی ریکارڈ اونچائی تک پہنچنے میں کامیاب ہوگیا تھا۔ نیشنل اسٹاک ایکسچینج کا نفٹی بھی 19.18 پوائنٹز یعنی 0.14 فیصد کے اضافے سے 13،760.55 پوائنٹز کی نئی اونچائی پر بند ہوا۔
مزید پڑھیں: وستارا نے براہ راست گوگل سے ٹکٹ بکنگ کی سہولت دی
سینسیکس کی کمپنیوں میں ایچ ڈی ایف سی کے حصص میں تقریباً تین فیصد اضافہ ہوا۔ بجاج فنانس میں 1 فیصد اور ایچ ڈی ایف سی بینک میں 2 فیصد اضافہ ہوا۔ او این جی سی اور ماروتی سوزوکی میں تقریبا ڈیڑھ فیصد کا نقصان ہوا-
کووڈ 19 ویکسین کی توقع میں اسٹاک مارکیٹوں میں بھی تیزی آگئی۔ چین کا شنگھائی کمپوزٹ ایشیاء میں 1.13 فیصد، ہانگ کانگ کی ہینگسنگ میں 0.82 فیصد اور جاپان کی نکی 0.18 فیصد تک اضافہ ہوا۔ تاہم جنوبی کوریا کے کوسپی کو 0.05 فیصد ٹوٹ گیا- یورپ میں ابتدائی تجارت میں جرمنی کے ڈی اے ایکس نے 0.76 فیصد کا اضافہ کیا ، جبکہ برطانیہ کا ایف ٹی ایس ای 0.04 فیصد گر گیا۔
