ریلائنس انڈسٹریز نے گذشتہ برس جاری کیے گئے رائٹس ایشو کے آخری قسط کی ادائیگی کی تاریخ اعلان کردیا ہے۔ شیئر ہولڈر آئندہ پیر یعنی 15 نومبر سے 29 نومبر کے درمیان رائٹس ایشو کی آخری قسط کی ادائیگی کرسکیں گے۔ ادائیگی کی آخری تاریخ کے دو ہفتوں کے اندر ہی شیئر ہولڈروں کے کھاتوں میں شیئر کریڈٹ ہونے کی توقع ہے۔
53,125 کروڑ روپے کے رائٹس ایشو میں ریلائنس نے 42.26 کروڑ شیئر 1,257 روپے فی شیئر کے حساب سے جاری کیے تھے۔ جن میں سے اب تک ریلائنس نے 628.5 روپے فی شیئر یعنی نصف رقم اکٹھا کرلی ہے۔ 50 فیصدی رقم یعنی 628.5 روپے فی شیئر کی رقم کی ادائیگی باقی ہے۔
ان جزوی طور سے چُکتا شیئروں کے ہولڈر کون ہیں یہ فیصلہ کرنے کیلئے 10 نومبر 2021 کو ریکارڈ ڈیٹ طے کی گئی ہے۔ یہیں شیئر ہولڈر آخری قسط کی ادائیگی کریں گے۔ ادائیگی آن لائن، چیک / ڈیمانڈڈرافٹ وغیرہ کئی طریقوں سے کیا جاسکتی ہے۔
8 نومبر 2021 کو ریلائنس کے مکمل چُکتا شیئروں کی قیمت روپے 2,502 روپے فی شیئر تھی، رائٹس ایشو شیئر1,257 روپے کی قیمت پر الاٹ کئے گئے تھے ۔ اس حساب سے 18 مہینوں میں ہی اس نے رٹیل شیئر ہولڈروں کا پیسہ قریب دو گنا کردیا ہے۔
آخری ادائیگی ہوجانے پر، عارضی طور سے پیڈ۔ اپ شیئروں کو ریلائنس انڈسٹریز کے مکمل پیڈ۔ اپ شیئروں میں تبدیل کردیا جائے، جن کا این ایس ای اور بی ایس ای پرریلائنس کے سمبل کے تحت کاروبار کیا جاسکے گا۔
ریلائنس نے اپنے سرمایہ کاروں کی مدد کیلئے وہاٹس ایپ چیٹ باٹ 7977111111 کو پھر سے ایکٹیو کیا ہے۔ چیٹ باٹ، عارضی طور سے اداکے گئے شیئر ہولڈروں کی مدد کرے گا۔ آرٹی فیشیل انٹلی جنس والے اور استعمال میں آسان اس چیٹ باٹ کو جیو گروپ کی کمپنی ہیپٹک کے ذریعہ تیار کیا گیا ہے اور اس کا استعمال مئی 2020 میں رائٹس ایشو کے دوران اور جولائی 2021 میں فرسٹ کال کے لیے کیا گیا تھا۔
مزید پڑھیں:
- جیو بھارت میں سب سے پہلے 5جی لانچ کرے گا: مکیش امبانی
- جیو فون نیکسٹ بھارتیوں کی زندگی بدل دے گا: مکیش امبانی
یو این آئی
