ممبئی: ملک کے زرمبادلہ کے ذخائر چار دسمبر کو ختم ہوئے ہفتہ میں 4.53 ارب ڈالر سے بڑھ کر 579.35 ارب ڈالر کے نئے ریکارڈ پر پہنچ گیا ہے۔ اس سے قبل 27 نومبر کو ختم ہوئے ہفتہ میں ملک کے زرمبادلہ کے ذخائر 46.9 کروڑ ڈالر کی کمی کے ساتھ 574.82 ارب ڈالر رہ گیا تھا۔
ریزرو بینک کی طرف سے جاری اعدادو شمار کے مطابق چار دسمبر کو ختم ہوئے ہفتہ میں زرمبادلہ کے ذخائر کا سب سے بڑا جزو غیرملکی کرنسی کے اثاثے 3.93 ارب ڈالر سے بڑھ کر 537.39 ارب ڈالر پر پہنچ گئے ہیں۔ اس دوران سونے کے ذخائر بھی 53.5 کروڑ دالر کے اضافہ کے ساتھ 35.73 ارب ڈالر پر ہے۔
زیر جائزہ ہفتہ میں بین الاقوامی مالیاتی فنڈ کے ساتھ ریزرو فنڈ 4.6 کروڑ ڈالر سے بڑھ کر 4.73 ارب ڈالر پر اور اسپیشل ڈرائنگ رائٹس 1.2 کروڑ ڈالر کے اضافہ کے ساتھ 1.51 ارب ڈالر درج کیے گئے ہیں۔
