دنیا کی سب سے بڑی ٹیکنالوجی کمپنی و سرچ انجن گوگل بھارت میں ووڈافون - آئیڈیا کے کاروبار میں معمولی حصہ داری خرید سکتی ہے۔
حال ہی میں گوگل کی حریف کمپنی فیس بک نے مکیش امبانی کی زیرقیادت ڈیجیٹل کمپنی جیو پلیٹفارم میں ایک بڑی حصہ داری خریدی تھی۔ جیو پلیٹ فارمز ملک کی سب سے جدید ٹیلی کام کمپنی ریلائنس جیو کو چلاتا ہے۔
جمعرات کو ایک رپورٹ کے مطابق گوگل ٹیلی کام کمپنی ووڈافون - آئیڈیا لیمیٹڈ میں پانچ فیصد حصہ داری خرید سکتی ہے۔ تاہم دونوں کمپنیوں نے اس پر کوئی تبصرہ کرنے سے انکار کیا ہے۔
اس خبر کے بعد بی ایس ای پر ووڈافون - آئیڈیا کے شیئر میں 30 فیصد کا اضافہ دیکھا گیا۔
