مرکزی وزیر خزانہ نرملا سیتارمن نے بجٹ سے پہلے بینکوں کی کارکردگی کی جائزہ میٹنگ کے دوران سنیچر کے روز بینک کے ذریعے رہن کی جائیداد کی آن لائن نیلامی کے لیے ای بکری پورٹل لانچ کیا۔
اس موقعےپر انہوں نے کہا کہ' ابھی اس پر سبھی سرکاری بینکوں کے ذریعہ رہن کی جائیدادوں کی نیلامی کی جائے گی لیکن نجی بینکوں سے بھی اس پلیٹ فارم پر آنے کی اپیل کی گئی ہے۔
مالیاتی سکریٹری راجیو کمار نے کہا ہے کہ الہ آبادبینک نے اس کو ڈیولپ کیا ہے اور ابھی اس پر 35 ہزار جائیدادوں کو اپلوڈ کیا جاچکا ہے۔
انہوں نے کہا کہ سرکاری بینکوں نے 1.73لاکھ کروڑ روپے مالیات کے 2.3 لاکھ جائیدادوں کو پورے ملک میں رہن بنایا گیا ہے۔
انہوں نے کہاکہ اس پورٹل کے ذریعہ سے ان جائیدادوں کو نیلام کرنے کی تیاری ہورہی ہے۔اس سے نہ صرف شفافیت آے گئے بلکہ بینکوں کو ان جائیدادوں کی بہتر قیمت مل سکے گی۔ اس پورٹل جائیدادکا سرچ فیچر بھی دیا گیا ہے۔ اس میں نیلامی کے مقام کا نیویگیشن لنک کے ساتھ ہی متعلقہ جائیدادوں کے فوٹوگراف اور ویڈیو بھی ہیں۔
