کووڈ۔19 ویکسین سے ہوئے منافع نے کم از کم 9 افراد کو ارب پتی بننے میں مدد کی ہے۔ نیوز ایجنسی اے ایف پی کے مطابق یہ بات 'کیمپین گروپ' نے کہی ہے۔ انہوں نے ویکسین کی ٹیکنالوجی سے متعلق دواساز کارپوریشنز کے "اجارہ داری کنٹرول" کو بھی ختم کرنے کا مطالبہ کیا ہے۔
پیپلز ویکسین الائنس نے ایک بیان میں کہا ہے کہ کورونا وائرس ویکسین کی وجہ سے ارب پتی کلب میں شامل ہونے والے 9 افراد کی کل دولت 19.3 ارب (15.8 بلین یورو) ہے'۔
اگر ہم بھارتی کرنسی میں اس دولت کا اندازہ لگائیں تو یہ دولت تقریباً 1411.22 ارب روپے بنتی ہے۔ پیپلز ویکسین الائنس کا کہنا ہے کہ یہ دولت کم آمدنی والے ممالک میں تمام لوگوں کے 1.3 گنا مکمل طور پر ٹیکہ لگانے کے لیے کافی ہے۔ الائنس کا کہنا ہے کہ یہ اعدادوشمار فوربس رچ لسٹ کے اعداد و شمار پر مبنی ہیں۔
الائنس کا حصہ آکسفیم چیریٹی کی انا میریئٹ کا کہنا ہے کہ یہ 9 نئے ارب پتی اس بڑے منافع کا چہرہ ہیں، جو کئی فارما کارپوریشن کووڈ۔19 ویکسین پر اپنا اجارہ داری کے ذریعے کمائی کررہے ہیں۔
ویکسین کے ذریعے ارب پتی بننے والوں کی فہرست میں ٹاپ مارڈن کے سی ای ای اسٹیفن بنسل اور بائیو این ٹیک کے سی ای او اگر ساہین ہے۔ دیگر تین نئے ارب پتیوں میں چین کی ویکسین کمپنی 'کنسینو بائیلوجکس' شامل ہے۔
ویکسین سے دانشورانہ املاک کے تحفظ کو عارضی طور پر ختم کرنے کا مطالبہ
یہ تحقیق ایسے وقت سامنے آئی ہے جب جمعہ کے روز جی 20 گلوبل ہیلتھ سمٹ منعقد ہونے جارہا ہے۔ سربراہی اجلاس میں کووڈ۔19 ویکسین سے دانشورانہ املاک کے تحفظ کو عارضی طور پر ختم کرنے کے مطالبات پر تبادلہ خیال کیا جاسکتا ہے۔ یہ مطالبہ اٹھانے والوں کا کہنا ہے کہ اس سے ترقی پذیر ممالک میں ویکسینز کی پیداوار میں اضافہ ہوگا۔
