ذرائع کے مطابق کورونا وائرس کے انفیکشن سے نپٹنے کے لیے کیے گئے 21 دن کے لاک ڈاون کے پیش نظر اقتصادی سرگرمیوں کو رک جانے سے متاثرہ صنعتوں اور کاروبار کے لیے ہفتہ کے آخر تک دو لاکھ کروڑ روپے کے پیکج کا اعلان کیے جانے کی امید ہے۔
اس سلسلہ میں ذرائع نے بدھ کو کہاکہ' وزارت خزانہ مختلف وزارتوں کے صلاح و مشورہ کررہی ہے اور راحت پیکج تیار کرنے کا کام جاری ہے۔'
ذرائع نے کہاکہ اس کام میں وزیراعظم دفتر، وزارت خزانہ اور ریزرو بینک آپس میں بھی غورو خوض کررہے ہیں۔ وزیر خزانہ نرملا سیتارمن نے کل کہا تھا کہ مختلف وزارتوں کے ساتھ بات چیت جاری ہے اور جلد ہی راحتی پیکج کا اعلان کیا جائے گا'۔
اس درمیان اطلاعات و نشریات کے وزیر پرکاش جاوڈیکر نے بدھ کو کہاکہ وزارت خزانہ یہ کام کررہا ہے اور جب اس طرح کا مسئلہ آتا ہے تو اقتصادی شعبہ پر اثر پڑتا ہے جس سے نپٹنے اور باہر نکلے کے اقدامات کی تیاریاں ہورہی ہیں۔ ذرائع نے کہا کہ 1.5لاکھ کروڑ روپے سے لیکر دو لاکھ کروڑ روپے تک کے راحتی پیکج کی تیاری چل رہی ہے۔
