آریان ڈرگ کیس: بائجوس نے شاہ رخ خان کے اشتہارات روک دیے

لرننگ ایپ بائجوس نے بالی وڈ کے بادشاہ شاہ رخ خان کے تمام اشتہارات کو روک دیا ہے۔ پری بکنگ کے بعد بھی اشتہارات جاری نہیں ہو رہے۔ شاہ رخ کو اس کے بیٹے آریان خان کی منشیات کیس میں گرفتاری کے بعد بڑا دھچکا لگا ہے۔

آئی پی او سے منسلک ایڈ ٹیک کمپنی بائجوس نے اپنے برانڈ ایمبیسیڈر اور بالی ووڈ کے سپر اسٹار شاہ رخ خان کے اشتہارات کو عارضی طور پر روک دیا ہے، کیونکہ ان کے بیٹے آریان خان کو منشیات کے ایک کیس میں نارکوٹکس کنٹرول بیورو (این سی بی) گرفتار کیا ہے۔

ذرائع کے مطابق بائجوس نے شاہ رخ خان کی تمام اشتہارات کو روک دیا ہے۔ خیال کیا جاتا ہے کہ یہ اقدام سوشل میڈیا صارفین کی جانب سے ایڈٹیک کمپنی پر تنقید کرنے کے بعد سامنے آیا ہے۔

بائجوس رواں برس تعلیمی اداروں کی ہوڑ میں ہے۔ کل ملاکر بائجوس نے رواں برس نو تعلیمی ادارے پر کنٹرول حاصل کرلیا ہے۔ ایڈ ٹیک ابتدائی عوامی پیشکش (آئی پی او) لانے کی تیاری میں ہے۔ جو کمپنی مالیت تقریباً 40 ارب ڈالر سے 45 ارب ڈالر تک ہو سکتی ہے۔

شاہ رخ خان کے ٹوئٹر پر 42 ملین اور فیس بک اور اس سے جڑی ایپس انسٹا گرام پر 26.5 ملین فالورز ہیں۔

واضح رہے کہ آرین خان کو این سی بی نے 2 اکتوبر کو ان کے دوست ارباز مرچنٹ کے ساتھ ممبئی سے گوا جانے والے کروز جہاز سے حراست میں لیا گیا تھا اور بعد میں انہیں گرفتار کر لیا گیا۔ بتایا گیا ہے کہ این سی بی کو آرین کے پاس سے ڈرگس برآمد نہیں ہوا ہے۔ اس کے بعد شاہ رخ خان کو تنقید کا نشانہ بنایا گیا۔

کروز پر منشیات پارٹی کے سلسلے میں گرفتار آریان خان جیل میں ہیں۔ جمعہ کو فورٹ کورٹ کی جانب سے ضمانت کی درخواست مسترد ہونے کے بعد آریان کے وکیل ستیش مانشندے اب سیشن کورٹ میں ضمانت کی اپیل کریں گے۔