یوپی حکومت کے وزیر خزانہ راجیش اگروال نے امید ظاہر کی ہے کہ مودی حکومت کا پہلا بجٹ سماج کے ہر طبقے کو متاثر گا۔ انہوں نے دعوی کیا کہ بجٹ ایسا ہوگا جو غریبوں کسانوں کے مسائل دور کرنے کا کام کرے گا۔
اتر پردیش کے وزیر خزانہ راجیش اگروال
بارہ بنکی میں ایک پروگرام میں شرکت کرنے آئے راجیش اگروال نے کہا کہ وزیر اعظم نریندر مودی نے اپنی پہلی تقریر میں کہا ہے کہ اب سماج میں دو طبقے ہی نظر آئیں گے۔ ایک غریب اور دوسرا غریبی ہٹانے والا۔
انہوں نے کہا کہ غریبی ہٹانا حکومت کا پہلا ٹارگیٹ ہے۔ اور اس کے لئے ہم کام بھی کر رہے ہیں۔ انہوں نے دعوی کیا کہ آنے والا بجٹ کسانوں اور غریبوں کے لئے فائدہ مند ہوگا۔ اقلیتوں کے لیے کسی خاص اسکیم کے سوال پر انہوں نے کہا کہ ان کے لئے اتنا بجٹ ہے جو ابھی تک خرچ نہیں ہو پا رہا ہے۔
