اوڑی کے نواروانڈہ گاؤں میں ایک ایکو کیب (رجسٹریشن نمبر: JK-04 E5046) سڑک حادثہ کا شکار ہوئی جس میں سوار ایک جوڑا شدید زخمی ہوگیا جنہیں فوری طور پر اسپتال منتقل کیا گیا۔ جوڑے کی شناخت خورشید احمد کوہلی اور پاکیزہ بیگم کے طور پر کی گئی۔
اوڑی کے میڈیکل آفیسر ڈاکٹر محمد رمضان میر نے ای ٹی وی بھارت کو بتایا کہ اسپتال منتقلی کے دوران پاکیزہ بیگم کی موت ہوگئی۔ وہیں خورشید احمد کی حالت بہتر ہے۔
انہوں نے بتایا کہ ہلاک ہونے والی خاتون کے شوہر کو ابتدائی طبی امداد کے بعد جی ایم سی بارہمولہ بھیجا گیا۔ ایک پولیس عہدیدار نے بتایا کہ سڑک حادثہ سے متعلق ایک مقدمہ درج کیا گیا اور تحقیقات کی جارہی ہے۔
