دہلی حکومت کی جانب سے تمام قانون ساز اسمبلیوں میں وائی فائی نصب کئے گئے تھے جس کے بعد اب میونسپل کارپوریشن دہلی کے تمام وارڈز میں وائی فائی کی سہولت فراہم کی جائے گی جس کے کاموں کا آغاز ہورہا ہے۔
براڑی اسمبلی حلقے کے جروڈا وارڈ کی کارپوریشن کونسلر ریکھا سنہا نے بتایا کہ دہلی کے تینوں میونسپل کارپوریشن کی جانب سے تمام وارڈز میں وائی فائی نصب کئے جائیں گے جس سے مقامی عوام کو فائدہ ہوگا جبکہ وائی فائی نصب کرنے کے کاموں کا آغاز بہت جلد کیا جائے گا۔
ریکھا سنہا نے مزید بتایا کہ علاقے میں 20 مقامات پر وائی فائی نصب کیا جائے گا۔ انہوں نے دہلی حکومت کو نشانہ بناتے ہوئے کہا کہ اگر حکومت مناسب انداز میں وائی فائی کی سہولت فراہم کرتی تو عوام کو اس کا فائدہ ہوتا۔ انہوں نے کہا کہ انتخابات سے قبل اعلان تو کیا گیا لیکن ابھی تک روٹر کو انسٹال نہیں کیا گیا۔
