اجلاس میں نریندر بھوشن نے کہا کہ آکسیجن کا نظام معیار کے مطابق بہتر اور یقینی بنانے کے لیے مزید پائیدار کوششوں کی ضرورت ہے اور ساتھ ہی تمام ہسپتالوں میں آکسیجن کے استعمال سے متعلق آڈٹ کی کارروائی بھی کی جائے۔
انہوں نے یہ بھی کہا کہ موجودہ صورت حال میں اگر کہیں آکسیجن کی بلیک مارکیٹنگ ہو رہی ہو تو ملزمان کے خلاف بروقت سخت کارروائی کی جائے۔ اس وقت ضلع میں کورونا کے مریضوں کی ایک بڑی تعداد ہے۔
مریضوں کے علاج معالجے کے لیے 1000 بیڈ بڑھانے کے بارے میں بھی تبادلہ خیال کیا گیا تاکہ مریضوں کو بیڈ کی دستیابی کو یقینی بنایا جاسکے اور لوگوں کو راحت مل سکے۔
انہوں نے انٹیگریٹڈ کنٹرول روم کو مزید فعال بنانے پر زور دیا۔ دواؤں کی بلیک مارکیٹنگ کو روکنے کے سلسلے میں متعلقہ حکام کو ضروری کارروائی کا حکم دیا۔
اس اجلاس میں کووڈ۔19 کے انچارج نریندر بھوشن پولیس کمشنر آلوک سنگھ اور ڈسٹرکٹ مجسٹریٹ سہاس ایل وائی، نوئیڈا اتھارٹی کی سی ای او ریتو مہیشوری موجود تھے۔
