پاکستان کے وزارت خارجہ نے کہا ہے کہ ڈی جی ایم او سطح پر ہفتہ واری بات چیت کو جاری رکھنے کے لیے وہ پرعزم ہیں۔
گزشتہ ہفتہ دونوں ممالک کے تناؤ کے درمیان بھارتی حکومت نے واضح کردیا تھا کہ کرتارپور گلیارے کے پیش نظر دونوں ممالک کے وزارت خارجہ کے درمیان سرکاری سطح کی مجوزہ میٹنگ کو رد نہیں کیا گیا ہے۔
پاکستانی وفد اگر سابق طے شدہ پروگرام کے تحت بات چیت کے لیے آتا ہے تو ان کا خیر مقدم کیا جائے گا۔
واضح رہے کہ اس سے پہلے کرتار پور گلیارے پر بات چیت کے لیے بھارتی وفد کا 28 مارچ کو پاکستان کے دورہ کا پروگرام تھا۔
واضح رہے کہ دونوں ممالک کے درمیان پاکستان میں سرگرم انتہا پسند تنظیم جیش محمد کے دہشت گردوں کے ذریعہ جموں کشمیر کے پلوامہ میں مرکزی ریزرو پولس فورس (سی آر پی ایف) کے قافلے پر خودکش حملے کو انجام دینے کے بعد سے تناؤ میں اضافہ ہوگیا تھا۔ حملے میں سی آر پی ایف کے 44 جوان ہلاک ہوگئے تھے۔
بھارت نے اس حملے کے جواب میں پاکستان کے بالاکوٹ میں دہشت گردانہ کیمپوں پر ہوائی حملے بھی کیے تھے۔
